Maraming salamat po sa GINTONG PARANGAL at kay Ms. Julia Clarete sa pagtanggap ng aking award.

Sa lahat po ng bumubuo ng Gintong Parangal ako po ay nagpapasalamat sa inyong pagkilala. Sa loob ng maraming taon, ang pelikula ang naging mundo ko. Napakaraming mga pangyayari sa harap at likod ng kamera. Sa mga ginampanang mga tauhan ko na minahal at tinangkilik ng mga Pilipino, at maging sa personal kong buhay, lagi't laging naririyan po kayong lahat, patuloy na minamahal ang inyong lingkod at kinikilala pa rin ang aking munting kontribusyon sa sining na itong sadyang napakabuti sa atin.

Sa pamamagitan ng mga pelikula at mga tauhang binigyang buhay ko, napalapit po kayo sa akin at ako sa inyo. Niyakap ninyo ako na parang kaisa ninyo sa mga pagpupunyagi at pakikibaka at patunay ang award na ito sa patuloy ninyong pagmamahal hindi lamang sa akin kundi sa mismong industriya ng pelikulang Filipino, na isa sa ating mahalagang salamin ng buhay. Sa panahong ito ng krisis na dulot bg pandemya, isa sa malaking sektor na nawalan ng hanapbuhay ay ang mga maliit na manggagawa sa mga pelikula, inaaala ko po sila ngayon at ibinabahagi sa kanila ang parangal na ito, sila angmga crews and staff, ang mga assistants. Sila po ang mga kasama ko sa paglikha ng mga pelikulang na inyong tinatangkilik. Isa sila sa malaking dahilan kung bakit may isang Nora Aunor.

Muli inihahandog ko ang pagkilalang ito sa aking mga namayapang mga magulang at mga kapatid, sa aking mga fans na patuloy na naririyan at kasama na ang aking mga kaibigan at iba pang mahal sa buhay. Lubos na pasasalamat muli sa mga organizer ng masayang okasyon na ito. Mag iingat po tayong lagi at Mabuhay ang Pelikulang Pilipino!

Видео Maraming salamat po sa GINTONG PARANGAL at kay Ms. Julia Clarete sa pagtanggap ng aking award. канала Nora Aunor Official