Forum Nuus: AfriForum en Saai skenk skoffelploeg aan Gung’s Boerdry 02-06-2023

AfriForum en Saai het as deel van die organisasies se gesamentlike boerderyprojekte ’n skoffelploeg aan Gung’s Boerdry geskenk. Husqvarna het opleiding aan Cynthia Sekgobela, stigter van Gung’s Boerdry en ’n lid van Saai, en haar werker gegee sodat hulle dié skoffelploeg doeltreffend kan aanwend. Hierdie skenking gaan hulle help om hul produktiwiteit te verhoog aangesien hulle al die arbeid met die hand verrig het. Gung’s Boerdry verskaf 400 kg vars groente per week en 375 kg gepreserveerde groente per maand aan die Johannesburgse varsproduktemark, smouse, staatsinstellings, plaaslike ondernemings en die informele mark. Sekgobela is ’n afgetrede rekenmeester en belastingspesialis wat nou voltyds boer.

Видео Forum Nuus: AfriForum en Saai skenk skoffelploeg aan Gung’s Boerdry 02-06-2023 канала AfriForum