Цæгат Ирыстоны æххæст кæнынц 5 æм республикон æфсæддон патриотон проект «Победа»

5-æм республикон æфсæддон-патриотон проект «Победа» ацыд Цæгат Ирыстоны. Фыццаг хатт æй 2010 азы расидтысты Хæххон паддзахадон аграрон университеты, уæдæй нырмæ сси традицион. Ацы аз дзы сæ арæхстдзинад цалдæр къæпхæны æвдыстой 12 командæйы нæ республикæйы уæлдæр æмæ астæуккаг ахуыргæнæндæттæй.

Нысанты дихгæнæн зылдты 'хсӕн ис æрмæст 5 мм бæрц. Ерысты архайджыты хъæуы 10 метры дæрддзæгмæ мил акъахын. Фыццаг уал скӕнынц 3 фæлварæн æхсты, уый фæстæ 5 сæйрæгтæ. Лæппуты æмрæнхъ пневматикон хæцæнгарзæй æхсынӕй сæ арæхстдзинад æвдисынц чызджытæ дæр. Хæххон паддзахадон аграрон университеты студенткæ Азиаты Янæ проект уарзы, фæсивæды `хсæн дзы хæлар ахастдзинæдтӕ кӕй ис, уый тыххæй.

Проект «Победа» 2010-æм азы расидтысты Хæххон паддзахадон аграрон университеты. Ацы аз дзы архайынц 12 уæлдæр æмæ астæуккаг ахуыргæнæндоны. Сæ арæхстдзинад æвдисынц алыхуызон спортивон æмæ æфсæддон æууæлты.

Фæзмæ, æдасдзинады уаг æххæстгæнгæйæ, рахизы 3 командæйы. Сты цырд, рæстдзæвин æмæ æнгом. Хæцæнгарзæй цырд фехсæн ис 10 тымбылæджы. Секундмæ тӕхы 90 метры.

Дарддæр та - километр æмæ æрдæг зынвадат балц. Канатон фæндаг, бæндæнæй асин, тарзанкæ. Ранæй-рæтты 15 метры бæрзæндыл. Æппæт цæлхдуртæ хъæуы ацæуын 22 минутмӕ. Фæлæ фæсивæд сарæхсынц бирæ тагъддæр. Цхуырбаты Валерий йыл сæтты, зын у, зæгъгæ. Фæлæ йæ фæуæлахиз уæвыны бæллиц разæнгард кæны. Хæслæвæрд сӕххӕст кодта 8 минутмæ.

Тæрхон сын кæнынц бархионтæ æмæ Хæххон паддзахадон аграрон университеты студентты къорд. Уыдон æмбæлгæ уагæвæрдтæ иуылдæр зонынц.

Традицимæ гæсгæ, проект райдыдта Æфсæддон намысы горæты стелæйы фæзæй. Архайджытæн раарфæ кодта Хæххон паддзахадон аграрон университеты ректор Темыраты Виктор.

Мадзæлттæ арæзт цæуынц æнæниздзинад хъахъхъæныны министрад æмæ Фæлхасгæнджытæм цæстдарды управленийы амынддзинæдтæ æххæст кæнгæйæ.
_________________________
Мы рядом в:
vk.com/irystontv
instagram.com/irystontv
youtube.com/irystontv
twitter.com/irystontv
ok.ru/irystontv

Видео Цæгат Ирыстоны æххæст кæнынц 5 æм республикон æфсæддон патриотон проект «Победа» канала iRYSTON TV