Yekun xəbərlər 14.12.2020 (Xəbər Saatı) Rusiyadan Qarabağda AĞLASIĞMAZ ALÇAQLIQ!

Bakıda və Abşeron yarımadasında dekabrın 15-də havanın dəyişkən buludlu olacağı, arabir tutulacağı, əsasən yağmursuz keçəcəyi gözlənilir.
Milli Hidrometeorologiya Xidmətindən Publika.az-a verilən məlumata görə, mülayim cənub küləyi əsəcək.
Havanın temperaturu Abşeron yarımadasında gecə 6-8, gündüz 10-13, Bakıda gecə 6-8, gündüz 10-12 dərəcə isti olacaq.
Atmosfer təzyiqi normadan yüksək 767 mm civə sütunundan 763 mm civə sütununa enəcək, nisbi rütubət 60-70 faiz təşkil edəcək.
Dekabrın 15-də Azərbaycanın rayonlarında bəzi yerlərdə arabir yağış, dağlıq ərazilərdə qar yağacağı, gündüz tədricən kəsiləcəyi, ayrı-ayrı yerlərdə duman olacağı gözlənilir. Şərq küləyi əsəcək.
Havanın temperaturu gecə 0-4, gündüz 7-11 dərəcə isti, dağlarda gecə 2-7 dərəcə şaxta, gündüz 1 dərəcə şaxtadan 4 dərəcəyədək isti olacaq.
Tibbi-meteoroloji proqnoza gəlincə, dekabrın 15-16-da Abşeron yarımadasında iqlim normasına yaxın temperatur rejimi və meteoroloji amillərin zəif və mülayim tərəddüdü gözlənilir ki, bu da meteohəssas insanlar üçün əsasən əlverişlidir.
Rusiya Müdafiə Nazirliyinin Beynəlxalq Ərazilərinin Minalardan Təmizlənməsi Mərkəzinin hərbi qulluqçuları Dağlıq Qarabağdakı Rusiya sülhməramlı qüvvələrinin məsuliyyət zonasında mühəndis kəşfiyyatı və mina təmizlənməsi işlərini davam etdirir.
Publika.az xəbər verir ki, bu barədə Rusiya Müdafiə Nazirliyinin mətbuat xidməti növbəti məlumat yayıb.
Bildirilib ki, hərbçilər tərəfindən bu günədək 4 min 800-dən çox partlayıcı maddə zərərsizləşdirilib.
Sülhməramlılar Xankəndidəki hava limanı ərazisində mühəndis kəşfiyyatı və ərazinin minalardan təmizlənməsi işlərini həyata keçirib. Partlayıcı maddələrin axtarışı evlərdə, yol hissələrində və hava limanına bitişik ərazilərdə aparılıb.
Ötən gün ərzində 8 hektara yaxın ərazi, 7 km yol örtüyü təmizlənib, 50 bina araşdırılıb, 51 partlayıcı maddə aşkar olunaraq məhv edilmək üçün çıxarılıb.
Ümumilikdə, mühəndis bölmələri Qarabağda 155 hektardan çox ərazini, 38 km-dən çox yolu, 375 yaşayış binasını təmizləyib, 4 min 811 partlayıcı obyekt aşkar edərək zərərsizləşdirib.
"Aşkarlanmış partlayıcı obyektlər və partlamamış döyüş sursatları xüsusi təchiz edilmiş bir zibilxanada məhv edilir. Evakuasiya edilə bilməyən döyüş sursatları bütün lazımi təhlükəsizlik tədbirləri ilə yerində məhv edilir", - açıqlamada deyilir.
“Artsaxın prezidenti niyə bu vəzifədədir? Artıq onun heç bir təsir rıçaqı yoxdur”. 
Yenisabah.az xəbər verir ki, bu sözləri Hetq.am saytının baş redaktoru Edik Baqdasaryan Qarabağdakı separatçı rejimin rəhbəri Araik Arutyunyan barədə danışarkən bildirib.
O Qarabağdakı separatçı rejim rəhbərini əsasən Şuşaya görə tənqid edib. 
“Şuşanın Metsşen və Kinşen kəndlərində hazırda nə baş verir? Məndən bu barədə soruşurlar. Uşaqların nə etməsi lazım olduğuna kimsə cavab verə bilərmi? Tamam, deyirsən ki, yazmırıq, gərginlik var, amma onlara bir şey olsa, nə edim? Mənə xəritə uzatmaq lazım deyil, onsuz da inanmıram”, - deyə o vurğulayıb.
Qarabağın Ağoğlan (Hadrut) bölgəsinin iki kəndində vəziyyətin kəskinləşməsi Rusiya tərəfi üçün ilk ciddi sınaqdır.
Publika.az xəbər verir ki, bunu Ermənistanın baş naziri Nikol Paşinyan feysbukdan xalqa müraciətində deyib.
O, həmin bölgədəki təxribat zamanı 6 erməni əsgərinin yaralandığını bildirib. Qeyd edib ki, Ermənistan Müdafiə Nazirliyi ölənlərin olduğu barədə məlumat verib.
Dekabrın 11-də Ağoğlan bölgəsinin Çaylaqqala və Köhnə Tağlar kəndləri yaxınlığında Azərbaycan-Ermənistan arasındakı atəşkəs pozulub.
Bir neçə gündür ki, Qarabağdakı gərginlik Azərbaycanın siyasi gündəminin əsas müzakirə mövzusudur. 
Yenisabah.az xatırladır ki, Xocavənd rayonunun Köhnə Tağlar və Çaylaqqala kəndlərində gizlənmiş erməni terrorçuları Azərbaycan Ordusunun əsgərlərinə və mülki şəxslərə qarşı hücumlar edib, nəticədə ölən və yaralananlar var. Rəsmi Bakı buna qarşılıq olaraq əməliyyat keçirərək terroçuları zərərsizləşdirib. Hazırda həmin kəndlər Azərbaycanın nəzarətindədir.
Lakin oxşar halın yenidən təkrarlanmayacağına zəmanət yoxdur. Bölgədə atəşkəs rejiminə nəzarət etməli olan Rusiya sülhməramlı kontigentinin ermənilərin terror aktlarının qarşısını almağa həvəsli olmadığı görünür.
Biz hələ ötən yazımızda məlumat vermişdik ki, Qarabağdakı separatçı rejim hibrid və assimetrik müharibəyə hazırlaşır. Bölgədə hələ də erməni yaraqlılarının qalması, separatçı rejim rəhbəri Araik Arutyunyanın vaxtaşırı onlarla görüşləri yaxın vaxtlarda ermənilərin məkrli niyyətlərini həyata keçirməyə başlayacaqlarını göstərirdi.
Maraqlıdır ki, seprataçıların terror aktları Ermənistan Baş naziri Nikol Paşinyanın Azərbaycan və Türkiyə ilə yaxınlaşmanın vacib olması barədə fikirlərinin fonunda baş verir. Bəzi siyasi analitiklər hesab edir ki, artıq separatçı rejimlə rəsmi İrəvan arasındakı bağ qırılıb. Bu ərəfədə “Dağlıq Qarabağ Respublikası” “prezidenti” Araik Arutyunyanla keçmiş “deputat” Ruslan İsraelyanla telefon danışığının yayılması təsadüfi sayılmır. Həmin telefon danışığında Arutyunyan İrəvandan şikayətlənir.

Видео Yekun xəbərlər 14.12.2020 (Xəbər Saatı) Rusiyadan Qarabağda AĞLASIĞMAZ ALÇAQLIQ! канала Musa Media