Məlahət Kərimqızı "Qəlbindən də silmisən?"

Qəlbindən də silmisən ?

Məni sildin həyatından....
Qəlbindən də silmisən?
Mən ağlarkən Sənin üçün,
Söylə, necə gülmüsən?
Unutmusan gözlərimi-
Mən heçkimi görmürəm...
Unutmusan sözlərimi,
Danışmıram, dinmirəm!
Qəlbin sevirmi özgəni?
Mənsə sevə bilmirəm...
Məni sildin gələcəkdən !
Keçmişə ne deyirsən?
Bəs xeyallar, o baxışlar?
Əllərimin izləri?
Necə unuda bilmisən
Vəd etdiyin sözləri?
Ürəyimin döyüntüsü
Necə çıxıb yadından?
Necə qırarlar vermisən
Məhəbbətin adından?
Niyə qoydun yarım qalsın
Yaşanmamış duyğular?
Niyə getmədik ardınca,
Boynun bükdü arzular?
Niyə tutmadın əlimdən,
Niyə tutsun özgələr?
Bəlkə birgün düşünərsən...
Bəlkə birgün... Gün gələr...
Ayrılığa,xəyanətə
Yox demişdin,yox oldun!
Canımı candan elədin,
Bağrımı dəldin, göynədi,
Xəyanət deyil bəs nədi
Bu səbəbsiz yoxluğun?
Məni sildin həyatından...
Qəlbindən də silmisən?
Mən ağlarkən Sənin ücün,
Axı necə gülmüsən?
Necə qıyıb ürəyimə
Onu yarım qoymusan?
Məni isidənim səndin
Sənsiz mən də soyumuşam...
Nəfəs quru gedir-gəlir,
Həyatımdan doymuşam...
01.10.2014
Məlahət Kərimqızı✍🏻

Видео Məlahət Kərimqızı "Qəlbindən də silmisən?" канала Məlahət Kərimqızı