Chingiz Aytmatov. Jamila. Audiokitob. 1-qism - Xurshid Davron kutubxonasi

Chingiz Aytmatov. Jamila. O'zbekiston ko'zi ojizlar jamiyati ovoz yozish studiyasi tomonidan tayyorlangan audiokitob. 1-qism. Matnni Muslima Murodova o'qigan.

Atoqli adib Lui Aragon tomonidan rus tilidan ham avval frantsuz tiliga tarjima qilingan va XX asr jahon adabiyotidagi sevgi haqidagi eng go'zal asar deb baholangan Chingiz Aytmatovning «Jamila» qissasini tinglashga taklif qilamiz.

Biz ajoyib so'z ustasi, zabardast yozuvchi Chingiz Aytmatov yaratgan “Momo yer”, “Birinchi o'qituvchi”, “Jamila”, “Sarvqomat dilbarim”, “Alvido, Gulsari”, “Erta qaytgan turnalar”, “Sohil bo'ylab chopayotgan olapar” kabi dilbar qissalarni o'qib,
olamni, hayotni idrok etganmiz, ezgu hislarga oshno bo'lganmiz. “Asrga tatigulik kun”, “Qiyomat” romanlarining behad teran mohiyatidan, ajib timsollardan lol qolganmiz, “Kassandra tamg'asi” romani falsafasidan o'yga tolganmiz. Adibning
sermahsul ijodi necha-necha iste'dodlar namoyon bo'lishiga turtki bo'ldi.

Yozuvchi O'rta Osiyodagi boshqa xalqlar singari o'zbek adabiyotiga ham befarq bo'lmadi. San'atimiz, adabiyotimizdagi har bir yangilikdan xabardor bo'lib turdi. Xususan, Oybek, Mirtemir, Zulfiya,Odil Yoqubov, Pirimqul Qodirovlar ijodini e'tirof
etdi, hamisha xalqimizga samimiy, sidqidildan munosabatda bo'ldi.

Chingiz Aytmatov haqli ravishda qadim Turkiston zamonaviy nasrining namoyandasi sifatida ellarimizni jahonga tanitdi.

Видео Chingiz Aytmatov. Jamila. Audiokitob. 1-qism - Xurshid Davron kutubxonasi канала Xurshid Davron Kutubxonasi