"Шетелде Қазақстанның тарихи тұлғаларына арналған ескерткіштер мен көшелер" IV бөлім

"Шетелде Қазақстанның тарихи тұлғаларына арналған ескерткіштер мен көшелер" IV бөлім

Псков облысында «Даңқ жолы» халықаралық жобасы аясында қазақстандықтар Ұлы Отан соғысы жауынгерлеріне ескерткіштер орнатты. 2014 жылы Невель қаласында полковник Әбілқайыр Баймолдиннің (1909-1944 жж.) қоладан жасалған мүсіні мен оның есімімен аталған алаңы ашылды. Невель қаласында көшелердің біріне жерлесіміз Ыбырай Сүлейменовтің (1908-1943 жж.) есімі беріліп, оған мемориалдық тақта орнатылды. Новоржев қаласындағы Жеңіс алаңында, Павлодар облысының тумасы, аға лейтенант Павел Дубовойдың қоладан жасалған мүсіні салтанатты түрде ашылды. Бұл жерде Оралдан келген жауынгер Макарим Кубегеновке арналған стеланың ашылуы да өтті.
Әскери даңқ мемориалы 2015 жылы
8 мамырда Кеңес Одағының Батыры Ә.Молдағұлова жерленген Псков облысындағы Монаково қорымында орнатылды. Бұл мемориал Кеңес сарбаздарының есімдері қашалып жазылған 20 гранит плиталары бар Кремль қабырғасының фрагменттеріе, сонымен қатар белгісіз сарбаздарды еске алуға арналған ескерткіш тақтаны бейнелейді. Қабырғадағы екі бөлек тақтайша аты аңызға айналған мерген Тілеуғали Әбдібековке, сондай-ақ А.Матросовтың ерлігін қайталаған атыраулық барлаушы-панфиловшы Григорий Постольниковке арналған. Мұнда жерленген 730 қазақстандық жауынгерге жеке ескерткіш орнатылды.
2002 жылы 9 мамырда Ленинград түбіндегі ұрыс алаңында Ақмолада құрылған 310-шы атқыштар дивизиясының жауынгерлеріне арналған «Жұлдызды тырналар» обелискі салынды. Композицияның ортасында «Қазақстандықтар - Ақмолалықтар.
1941 - 1944 жж.».
2010 жылы Ленинград облысының Синявинское биіктерінде павлодарлық жауынгерлерге ескерткіш орнатылды. Ескерткіштің қара гранитінде мына сөздер: «Ленинградты қорғауда ерлікпен шайқасқан және ерлікпен қаза тапқан қазақстандық павлодарлық жауынгерлерге. Батырларға мәңгілік естелік» жазылған.
Өткен соғыс естеліктері қола мен ескерткіш тастарда, ескерткіштер мен мемориалдық кешендерде мәңгілікке сақталады.

Видео "Шетелде Қазақстанның тарихи тұлғаларына арналған ескерткіштер мен көшелер" IV бөлім канала Monuments of Astana citү