Yuk tashish biznesini takomillashtirayotgan o’zbekistonlik dasturchilar

AQShda yuk tashishni daromadli soha deb bilib, bu biznesga shiddat bilan kirishayotgan o’zbekistonliklar ko’paymoqda. Axborot texnologiyalari bo’yicha mutaxassislarga ko’ra, yuk tashish biznesi innovatsiyaga muhtoj, boshqaruv va yuk olish jarayonlarini avtomatlashtirish davri kelgan.

Bir guruh o’zbekistonlik dasturchilar aynan shu ishga kirishgan. Ular ishga tushirgan “Dirilis Trans” ilovasi hozir sinov bosqichida. Dasturchilar o’z hamkorlari va bozor talabiga monand platformaning funksiyalarini kengaytirmoqda.

O’zbekistonni dunyo bilan bog’laydigan saytlar, jumladan “O’zbekiston havo yo’llari” va pasport bilan bog’liq fuqarolik ishlari tizimiga ham axborot texnologiyalarini chuqur olib kirish rejada.

“Dirilis Trans” platformasidan tushgan daromadning 20 foizi ayollarni qo’llab-quvvatlash loyihalariga sarflanadi va xayriya qilinadi. Bu ishlarni amalga oshirish uchun Alif fondi tuzilgan. Uning rahbari, kengashi a’zolari, qaror va loyihalarni tasdiqlovchilar ham ayollar.

Видео Yuk tashish biznesini takomillashtirayotgan o’zbekistonlik dasturchilar канала @AmerikaOvozi