თორრნიკე ნაროზაული (ქაღალდის თვითმფრინავები)

აღარაფერი მადარდებს
გასტანს ეს ღამე სადამდეც
იქამდე გასტანს დარდი.
აღარაფერი მადარდებს
ვინ, ვისგან, ვისკენ გარბის.
როცა უშენოდ ბნელია
დღეც, ოთახიც და ფიქრიც,
დარდიც მით უფრო მწველია
რაც მეტი ძალით ვაქრობ.
ძველი ძონძივით დავათრევ
შენი არყოფნის ნაღველს,
მოდი და კოცნით გამათბე
თორემ სიცივე მარღვევს.
წვიმა მოდის და გუბდება
თვალის ჭრილების ტბაში,
ცა დაიფარა ღრუბლებით
ცა აღარა ჩანს ცაში.
ჩემი ტკივილი მძიმეა
ერთი კაცისთვის - მძლავას.
გული იმდენად მცირეა
მთელს უშენობას ვმალავ.
გზა ივიწროებს ნაპირებს,
კოკისპირულად წვიმს,
ამა ღამ სიკვდილს აპირებს
თქვენი თორნიკე მის.
გასტანს ეს ღამე სადამდეც
იქამდე გასტანს დარდი,
აღარაფერი მადარდებს
აპრილია თუ მარტი.
მაქვს აღარაფრის სურვილი
შენი დანახვის გარდა -
ღამე იხრჩობა წყურვილით,
ღამე - წყვდიადის ფარდა.
თორრნიკე ნაროზაული

"მთელი უშენობის მფლობელი ვარ..."
რ.გეთიაშვილი
მთელი ჩემი მონატრება შენ გეძღვენება,
შენ გეძღვნება მთელი ჩემი სიხარული...
უშენობა მეტად აღარ შემიძლია -
ისეც დიდიხანს ვიყავი და ვიმარხულე.
ყველა ქალი ერთნაირად წამსვლელია
დამრჩენია მხოლოდ ჩვენი სიყვარული,
გულზე შენი მონატრება მასვენია
და სამი წლის თოკოსავით ვიყურები
ჭერში,
თითქოს მართლა აწყობს ვინმე კომბლებს,
სადაცაა მთვარე მტკვარში გადახტება -
გზა, მარიამ, არასოდეს არის მოკლე
თუ გზის ბოლოს სიყვარული არ დაგხვდება.
და მიდიან შეღებილი ვერანდები
იქით, სადაც ჩვენი გზები არ მიდიან,
დრო ყოველდღე ნაგლდება და ვერანდება,
გარეთ ლექსზე სევდიანი ამინდია.
ვარ ბავშურად ბუტია და ჯიბრიანი,
შენი სუნთქვა არის ჩემი ატმოსფერო,
და მაშინაც, როცა თვალებს გიბრიალებ,
მინდა გულში ჩაგიკრა და მოგეფერო.
მაქვს ტკივილი უცრემლო და უშობელი
და მექნება სანამ სუნთქვა შემეძლება -
შენ გეძღვნება მთელი ჩემი უშენობა,
მთელი ჩემი უშენობა შენ გეძღვნება.
თორრნიკე ნაროზაული

Видео თორრნიკე ნაროზაული (ქაღალდის თვითმფრინავები) канала ელენე მეტრეველი