Фестываль PRADMOVA/Варшава: Сустрэча «Чужыя сярод сваіх?» з рускамоўнымі беларускімі аўтарамі

Сустрэча-размова «Чужыя сярод сваіх?» з расейскамоўнымі беларускімі аўтарамі Паўлам Анціпавым, Юляй Арцёмавай, Андрэем Дудко. Мадэруе: Лілія Ільюшына.

18-19 чэрвеня 2022
⠀
Беларускі Моладзевы Хаб (plac Konstytucji 6)
⠀
Галоўнае пра праграму PRADMOVA у Варшаве — яна вельмі насычаная і разнастайная.
У праграме вы знойдзеце шмат дыскусій на актуальныя сёння тэмы з выбітнымі інтэлектуаламі з Беларусі і Польшчы, сярод якіх Уладзімір Арлоў, Таццяна Заміроўская (анлайн), Адам Міхнік, Славамір Серакоўскі, Саша Філіпенка. Яшчэ адна асаблівасць праграмы ў Варшаве — вялікая колькасць перфарматыўных і тэатральных імпрэз. Таму запрашаем вас на спектаклі, чыткі п’ес і перформансы. Таксама на фестывалі адбудуцца прэзентацыі кніг і перакладаў, майстар-класы, выстава і літаратурная прэмія. На працягу ўсёй PRADMOVA у Варшаве будзе працаваць кніжны кірмаш, дзе можна будзе набыць кнігі беларускіх і польскіх выдавецтваў.

Гала-канцэрт беларускіх выканаўцаў
Фестываль у Варшаве скончыцца вялікім гала-канцэртам беларускіх гуртоў і музыкаў. На закрыцці PRADMOVA у Варшаве выступяць Nizkiz, Tyapin CREW, DZIECIUKI, Юры Стыльскі («Дай дарогу!»), BOTANIC PROJECT, Аляксандр Памідораў, Дзяніс Тарасенка («Разбітае сэрца пацана»), Rahis.

Сярод удзельнікаў і ўдзельніц: Паліна Дабравольская, Яўгенія Давыдзенка, Павел Касцюкевіч, Таццяна Нядбай, Марэк Радзівон, Дзмітрый Строцаў, Сцяпан Стурэйка, Андрэй Хадановіч, Анхела Эспіноса, сямейны ансамбль «Бартосікі» і шмат іншых яскравых аўтараў і калектываў.

Видео Фестываль PRADMOVA/Варшава: Сустрэча «Чужыя сярод сваіх?» з рускамоўнымі беларускімі аўтарамі канала Festival Pradmova