ՏԻՐԻ ԱՌԱՔՅԱԼԸ` ԿԱՐԵՆ ԴԵՄԻՐՃՅԱՆ

"ՏԻՐԻ ԱՌԱՔՅԱԼԸ" տեսաֆիլմը,որը պատրաստվեց "3-րդ ԱԼԻՔ" հեռուստաընկերությունում 2000 թվականի ապրիլին,նվիրված է հայ մեծանուն քաղաքական և պետական գործիչ,1974-88 թվականների Հայաստանի Կոմկուսի Կենտկոմի առաջին քարտուղար,1999-ին Անկախ Հայաստանի Ազգային Ժողովի նախագահ Կարեն Դեմիրճյանի հիշատակին: Այո,1999 թ. մայիսին Կ.Ս. Դեմիրճյանը ընտրվում է Ազգային Ժողովի նախագահ: Հանրապետության զարգացմանը նա կարողացավ համակարգված բնույթ տալ` հստակեցվեցին զարգացման առաջնային խնդիրները, կառուցվածքային քաղաքականության առանցքային ուղիները, գլխավոր ներուժի` մարդկային գործոնի խելամիտ ու նպատակային իրացման մեծ հեռանկար միտող կողմնորոշիչները:Կ.Ս. Դեմիրճյանը կարճ ժամկետում իր շուրջը համախմբեց Հանրապետության գրեթե բոլոր առաջադեմ քաղաքական ուժերին և սփյուռքահայությանը, ձեռնամուխ եղավ երկրի վերականգման ծրագրերի իրականացմանը: Սակայն, 1999 թ. հոկտեմբերի 27-ին Ազգային Ժողովում` նիստի ժամանակ Կ.Ս. Դեմիրճյանը, Վ. Սարգսյանը, ԱԺ հինգ պատգամավորներ և մեկ նախարար քաղաքական աննախադեպ ահաբեկչության զոհ դարձան, սպանվեցին ամբողջ ժողովրդի հույսերը` կապված Կ.Ս. Դեմիրճյանի հետ: Հետմահու,1999 թ.դեկտեմբերի 27-ին նրան շնորհվել է Հայաստանի Ազգային Հերոսի կոչում և Հայրենիքի շքանշան:
Այս ֆիլմը անդրադառնում է Կարեն Դեմիրճյանի գործունեության ընդամենը մի ճյուղի:Դա ՄՇԱԿՈՒՅԹՆ Է,այն էլ միայն երաժշտության բնագավառը: Լինելով երաժշտության մեծ գիտակ,նա դարձավ այդ բնագավառի իրական վարպետների համար ասես ՏԻՐ ԱՍՏԾՈ ԱՌԱՔՅԱԼ:Ֆիլմում իրենց հիշողություններով կիսվում են հայ մեծանուն կոմպոզիտորներ Էդվարդ Միրզոյանը և Ալեքսանդր Հարությունյանը,ինչպես նաև անվանի հայ ջութակահարներ Ռուբեն Ահարոնյանը և Էդվարդ Թադևոսյանը: Հեղինակ և ռեժիսոր`Կարեն Քոչարյան,օպերատոր`Տիգրան Մանկիկյան,մոնտաժը`Արամ Պապոյանի,Կարեն Առաքելյանի և Կարեն Քոչարյանի,պրոդյուսեր`Էլմիրա Արսենյան: "3-րդ ԱԼԻՔ" 2000թ. Վերականգնված է 2011 թվականին "K.R.K. production"

Видео ՏԻՐԻ ԱՌԱՔՅԱԼԸ` ԿԱՐԵՆ ԴԵՄԻՐՃՅԱՆ канала Karen R. Kocharyan