Ya sin Surəsi / Həbibi Nəccar

Həbibi Nəccar

Tovhid, peyğəmbərlik və axirət mövzularından bəhs edən Yasin Surəsi Qurani Kərimin qəlbi hesab olunur. Bu surədəki ən önəmli mesajlardan biri də Həbibi Nəccar qissəsidir. Bu qissə tövhid inancının təbliği, bu təbliği edənlərə dəstək olmaq və insanları imana çağırmaq baxımından xüsusilə önəmlidir. Qissədə etdikləri Allah tərəfindən bəyənilən Həbibi Nəccar Qaryə xalqını Allaha imana çağırmaq üçün gələn 3 elçiyə öz dəstəyini bildirir, qəlbləri imana isindirməyə çalışır, insanları nəsihətləri qəbul etməyə təşviq edir. O xalqı üçün yaxşılıqdan başqa bir şey murad etmədiyini göstərərək onlara “ey qövmüm” deyə şəfqətlə müraciət edir. Lakin onun sözlərini qəbul etməyən insanlar onu lağa qoyur, vecinə almır və öldürürlər. Həbibi Nəccarın Allah yolunda bu cəsur davranışı və ölərkən gözündəki dünyəvi pərdə açılmaqla gördüyü mənzərə qarşısında dediyi sözləri o qədər təsirlidir ki Allah bu sözləri Qurani Kərimdə bildirməklə Qiyamətədək yer üzünə örnək göstərmişdir.

📖 Ya sin Surəsi
🎙 Qari -  محمد البراك -  Mohammed Al-Barrak

13 Sən onlara o zaman elçilər gəlmiş şəhər sakinlərini misal çək.

14 O zaman onlara iki nəfər (elçi) göndərdik, amma onlar ikisini də yalançı saydılar. Biz də (elçilərimizi) üçüncüsü ilə qüvvətləndirdik. Elçilər: “Həqiqətən, biz sizə göndərilmiş elçilərik”– dedilər.

15 Onlar dedilər: “Siz də bizim kimi sadəcə bir insansınız. Mərhəmətli (Allah) (sizə) heç bir şey nazil etməmişdir. Siz ancaq yalan danışırsınız”.

16 (Elçilər) dedilər: “Rəbbimiz bilir ki, biz, həqiqətən də, sizə göndərilmiş elçilərik.

17 Bizim vəzifəmiz ancaq (vəhy olunanı) aşkar təbliğ etməkdir”.

18 Onlar dedilər: “Biz sizdə bəd əlamət gördük. Əgər (dəvətinizə) son qoymasanız, sizi mütləq daşqalaq edəcəyik və bizdən sizə mütləq ağrılı-acılı bir əzab toxunacaqdır”.

19 (Elçilər) dedilər: “Sizin uğursuzluğunuz öz ucbatınızdandır. Məgər sizə edilən öyüd-nəsihəti( bəd əlamət sayırsınız)? Doğrusu, siz həddi aşmış bir millətsiniz”.

20 Şəhərin kənarından bir kişi qaça-qaça gəlib dedi: “Ay camaat! Elçilərin ardınca gedin!

21 Sizdən heç bir mükafat istəməyən, özləri də doğru yolda olan şəxslərin ardınca gedin!

22 Mənə nə olub ki, məni yaradana və hüzuruna qaytarılacağınız (Allaha) ibadət etməyim?

23 Mən heç Ondan başqa məbudlar qəbul edərəmmi? Əgər Mərhəmətli (Allah) mənə bir zərər yetirmək istəsə, onların şəfaəti mənə heç bir fayda verməz və onlar məni xilas edə bilməzlər.

24 Bax onda mən açıq-aydın azğınlığa düşmüş olaram.

25 Həqiqətən, mən sizin Rəbbinizə iman gətirdim. Mənə qulaq asın!”

26 (Şəhərin sakinləri bu kişini öldürdükdən sonra) ona: “Cənnətə daxil ol!”– deyildi. O dedi: “Kaş xalqım biləydi ki,

27 Rəbbim məni bağışladı və məni hörmətli adamlardan etdi”.

28 Biz ondan sonra xalqının üstünə göydən heç bir qoşun göndərmədik və heç göndərən də deyildik.

29 (Onları məhv edən) ancaq dəhşətli bir səs oldu. Onlar birdən sönüb getdilər.

30 Vay (bu) qulların halına! Onlara elə bir elçi gəlməyib ki, ona istehza etməsinlər.

31 Məgər onlar özlərindən əvvəl neçə-neçə nəsilləri məhv etdiyimizi və onların bir daha geriyə – bunların yanına qayıtmadığını görmürlərmi?

32 Hamısı bir yerdə Bizim hüzurumuza gətiriləcəklər.
@quranayetleri #quranayetleri #yasin

Видео Ya sin Surəsi / Həbibi Nəccar канала Quran Ayetleri