Екі күн наразылыққа шыққан ақтөбелік мұнайшылар бүгін аштық жариялады

Ақтөбе облысында екі күннен бері жалақының көтерілуін талап етіп наразалыққа шыққан мұнайшылар бүгін аштық жариялады. Көкжиде кенішіндегі жұмысшылар басшылыққа қойған талаптары орындалмайынша ереуілдерін жалғастыра беретіндерін айтып отыр. Кеніштегі жұмыс екі күннен бері тоқтап тұр.
Алайда облыс әкімі Оңдасын Оразалин Көкжиде кенішіне келген жоқ. Жұмысшылар қытайлық «КМК Мұнай» компаниясына мынадай төрт талап қойды. Біріншісі -жалақыларын жүз пайызға өсіру. Екіншісі - жататын жерлерін кеніштен алыстау жерге көшіріп, ас мәзірін жақсарту. Үшіншісі - кәсіподақ жұмысы, ал соңғысы -басшылықтан көретін қысымды тоқтату.
Мұнайшылар әзірге басшылықпен қандай да бір келісімге келмегендерін айтады. Тек бүгін таңертең компания президенті Ван Цзиньбао мұнайшылардың жалақысын жүз емес, жиырма пайызға ғана көтере алатынын айтқан. Бірақ бұл ұсыныспен жұмысшылар келіспеді. Мұнайшылар бұған дейін жалақы мәселесін шешуді облыс әкімдігіне де бірнеше рет хабарлағандарын алайда, мәселені жергілікті билік шеше алмай отырғанын жеткізді.
АСЛАН БАХАТОВ, мемлекеттік еңбек инспекторы:

– Кәсіпорын басшылығы қызметкерлерге еңбекақыны алдағы уақытта көтеретіндеріне сендірді. Оның мөлшерін директорлар кеңесі шешеді. Бұл мәселені шешу белгілі бір уақытты қажет ететіндіктен, оларға жұмыс орындарына оралуға кеңес берді. Алайда олар ұсынылған шарттармен келіспейтіндіктерін білдіріп, жалақыны жүз пайызға көтеру туралы дереу шешім қабылдауды талап етті.
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#мұнайшылар #наразылық

Видео Екі күн наразылыққа шыққан ақтөбелік мұнайшылар бүгін аштық жариялады канала Информбюро 31