"Հաւատքդ Քեզ Բժշկեց" - Ն.Ա.Տ. ՍԱՀԱԿ Բ. ՊԱՏՐԻԱՐՔ - 08.11.2020

Տէր Յիսուս Քրիստոս երբ Գալիլիա վերադարձաւ, մեծ բազմութեան մը կողմէ դիմաւորուեցաւ։ Անոնց մէջ կին մը կար, որ տասներկու տարիէ ի վեր արիւնահոսութիւն ունէր եւ իր ամբողջ ունեցածը բժիշկներուն ծախսած էր. բայց չէր կրցած բժշկուիլ։ Ուզեց Տէր Յիսուսին հանդերձին քղանցքին դպիլ  որպէսզի բժշկութիւն ստանայ։ Ետեւէն մօտեցաւ ռւ դպաւ,  իսկոյն արիւնահոսութիւնը դադրեցաւ:

Տէր Յիսուս "Ո՞վ ինծի դպաւ" ըսաւ։  Իրեն հետ եղողները "Վարդապե՛տ, արդէն բազմութիւնը քեզ կը ճնշէ" ըսին։ Տէր Յիսուս  "Գիտակցեցայ թէ ինձմէ զօրութիւն մը դուրս ելաւ" ըսաւ։
Երբ կինը տեսաւ թէ ըրածը Յիսուսէն գաղտնի պիտի չմնայ, դողալով եկաւ եւ ամբողջ ժողովուրդին առջեւ յայտարարեց բոլոր եղելութիւնը։ Այն ատեն Յիսուս ըսաւ անոր. "Քաջալերուէ՛, աղջի՛կս, հաւատքդ բժշկեց քեզ. գնա՛ խաղաղութեամբ"։
(Ղուկաս 8։40-48)

Տէր Յիսուսի շուրջը խնդիրներ ունեցող շատ մը հոգիներ կային, բայց հրաշքը միայն այս կնոջ պատահեցաւ։
Կնոջ մէջի զօրաւոր հաւատքը ինչպէ՞ս գոյացած էր։

Հաւատքը նախապատրաստութիւններ ունի, ան ճամբորդութիւն մըն է նաեւ մտերմութիւն։ Հրաշքը, կնոջ հաւատքի կեանքին պտուղն էր։ 
Աստուած նշմարեց անոր հաւատքը եւ սիրտին մէջ դռներ բացաւ։ Ահա ըսաւ. "Այս է Յիսուսը"։

Մենք ո՞ւր պիտի գտնենք Տէր Յիսուսը, որպէսզի հաւատքով հպինք։

Եկեղեցին Իր մարմինն է, իսկ անդամները՝ Անոր բչիչները։
Եկեղեցւոյ  եօթը խորհուրդները, եկեղեցականները, Աստուածաշունչը, աստուածային օրհնութիւնները մեզի հասցնելու միջոցներն են։
Եթէ չէք ուզեր նիւթերու հետ առընչուիլ, կ'ուզէք ուղղակի Տէր Յիսուսին երթալ, այն ատեն պէտք է օգտագործէք Իր սուրբ եւ զօրաւոր անունը  "Յիսուս Քրիստոս"։

Սահակ Բ. Պատրիարք
8 Նոյեմբեր 2020
Ս. Աստուածածին Աթոռանիստ Մայր Տաճար, Գումգաբո

Видео "Հաւատքդ Քեզ Բժշկեց" - Ն.Ա.Տ. ՍԱՀԱԿ Բ. ՊԱՏՐԻԱՐՔ - 08.11.2020 канала ՍԱՀԱԿ Բ. ՍՐԲԱԶԱՆ ՊԱՏՐԻԱՐՔ - Badriark Sahak II