Атаулы әлеуметтік көмекке құжат қабылдау онлайн тәртіпте жүргізіледі

1-ші сәуірден бастап екінші тоқсанға атаулы әлеуметтік көмекке құжат қабылдау онлайн тәртіпте жүргізіледі. Қала мен барлық аудандарда аталған көмекке өтініш қабылдау ақпараттық жүйеге сұрау салу арқылы қалыптастырылады. Енгізілген өзгерістер туралы бүгін облыстық жұмыспен қамтуды үйлестіру және әлеуметтік бағдарламалар басқармасының басшысы Бұлбұл Елеусінова хабарлады. Электронды түрде өтініш енгізу үшін міндетті түрде электронды цифрлы қолтаңба қажет болады. Құжаттарды онлайн қабылдау елдегі төтенше жағдай режимі аяқталғанша жалғаса береді. Бұл аралықта атаулы көмек алушылар жұмыспен қамту орталықтары мен ауылдық округ әкімдіктеріне келмесе де болады. Қандай да бір құжатқа байланысты олқылықтар орын алатын болса мамандар ақпараттық жүйеге сұрау салу арқылы өздері түзейтін болады. Атаулы әлеуметтік көмекке байланысты мәліметтермен "электронды үкімет" порталының "электронды өтініштер" жүйесі арқылы танысуға болады. Жалпы бұл көмек былтыр өңірдегі 36 мың отбасыға тағайындалған. Ал биылға 10 млрд теңгеден аса қаржы бөлінген. Кепілдендірілген әлеуметтік пакет бойынша биылдан бастап 6 жасқа дейінгі сәбилері бар көпбалалы отбасыларына азық-түлік топтамасы таратылады. Қаңтар, ақпан айларында 6 мың отбасыға 56 млн теңгеге тамақ үлестірілген. Қосымша айына бір рет 10 млн теңгеге гигиеналық құралдар беріледі.

Сайт телеканала http://www.rikatv.kz/
Twitter https://twitter.com/rika_kz
Вконтакте https://vk.com/rikatv

Видео Атаулы әлеуметтік көмекке құжат қабылдау онлайн тәртіпте жүргізіледі канала РИКА ТВ