Зварот

Беларусы! Тое, што цяпер адбываецца, немагчыма бачыць і чуць. Нам
кажуць, што нас мала, але мы ведаем, што нас многа. Мы бачым, як кожны
з нас падтрымлівае адзін аднаго і прагне перамен. Рабочыя, навукоўцы,
артысты, медыкі, кіроўцы, будаўнікі, прадпрымальнікі, юрысты,
настаўнікі – мы ўсе патрабуем спыніць
беспрэцэдэнтныя акты гвалту, тэрору, здзеку, прыніжэння. Сёння
беларусы катуюць беларусаў – падобных зверстваў дагэтуль не ведала
гісторыя нашай краіны. Мы патрабуем неадкладнай адстаўкі ўсіх
службовых асоб, вінаватых ці маючых дачыненне да гэтых злачынстваў.
Генеральная пракуратура і Следчы камітэт павінны ўзбудзіць
адпаведныя крымінальныя справы. Немагчыма казаць пра легітымнасць
выбарчай кампаніі, якая ўся прайшла ў атмасферы тэрору і страху.
Прымаючы пад увагу ўсе парушэнні і факты фальсіфікацый, мы патрабуем:

- правядзення новых празрыстых выбараў, у адпаведнасці з міжнароднымі нормамі

- вызвалення ўсіх палітычных зняволеных і затрыманых на мірных акцыях пратэсту грамадзян

Мы звяртаемся да ўзброеных сілаў Рэспублікі Беларусь. Народу, якому вы
прысягалі, патрэбна ваша абарона. Апраўдайце гонар звацца ваеннымі,
звацца беларусамі, звацца людзьмі. Абараніце народ і суверэнітэт
Беларусі.

Видео Зварот канала Сергей