Зварот Паўла Латушкі перад Маршам Народнага Абвінавачвання

Мінулі 4 месяцы пратэсту, значная частка шляху. Мы разам зрабілі першы крок на вуліцу, разам ўпершыню разгарнулі бел-чырвона-белыя сцягі. Мы ўпершыню перажылі жах трагедый і пралілі першыя слёзы па загінулым і пацярпелым. Мы разам смяяліся, спявалі, плакалі, пакутвалі.

У нас так шмат змянілася за апошнія месяцы. А нелегітымная ўлада ўсе 4 месяцы топчыцца на месцы, дае абяцанні і адмаўляецца ад іх, адна за адной выпускаюцца вар'яцкія ініцыятывы і законы.

Беларусы ўбычылі дэфолт ўлады і стварылі сотні сваіх нацыянальных ініцыятыў. «Голас» і Честные люди , КС, Народнае Антыкрызіснае Упраўленне, ЕКРП, фонды падтрымкі, незалежныя прафсаюзы і дваравыя чаты і дзясяткі іншых ініцыятываў і платформаў - усе працуюць для дасягнення адзінай мэты.
Былі адкрыты Народныя Пасольствы Беларусі. Беларусы навучыліся гаварыць ў голас і іх чуюць за мяжой.

Гэта і ёсць сапраўдная дэмакратыя, праўдзівая ўлада народа.

Лукашэнка захацеў узяць у заложнікі ўсю краіну – і закрыў межы Беларусі. Але ў 21 стагоддзі праўды ўжо не схаваць за жалезнай заслонай. Не схаваць доказаў ўсіх злачынстваў, фальсіфікацыі выбараў, рэпрэсій, катаванняў. Распачаты крымінальны пераслед вінаватых у рамках універсальнай юрысдыкцыі еўрапескіх краін.

Паралельна платформа Адзіная Кніга Рэгістрацыі Злачынстваў стварае прававую базу для прыцягнення да адказнасці ўсіх вінаватых у злачынстве. Члены выбарчых камісій, якія ўдзельнічалі ў фальсіфікацыі выбараў і сілавікі, вы парушылі закон Беларусі, і вам не пазбегнуць крымінальнай адказнасці. Шукайце ў Кнізе свае прозвішчы.

Выхад кожнага заўтра - гэта патрабаванне, каб усе вінаватыя ў злачынствах былі пакараныя, гэта адмова падпарадкоўвацца рэжыму, які займаецца паляваннем на сваіх людзей.

Видео Зварот Паўла Латушкі перад Маршам Народнага Абвінавачвання канала Павел Латушко