Günün əsas xəbərləri 14.09.2020 təcili xəbər, 3 Milyonluq Türk Ordusu QARABAĞA GİRƏCƏK!, Son Xəbər!

Tanınmış jurnalist, aparıcı Kamran Həsənli yazıçı Çingiz Abdullayevi tənqid edib.

Yenisabah.az xəbər verir ki, aparıcı Çingiz Abdullayevi rus məktəbləri ilə bağlı dediyi fikirlərə görə tənqid edib. K.Həsənli rus məktəblərinin bağlanmasını səsləndirən azərbaycanlılara qarşı Çingiz Abdullayevin çıxış etdiyi mövqeni bəyənmədiyini dilə gətirib. 

Aparıcı yazıçının məsələyə sadəlövh yanaşdığını və heç də onun dediyi kimi Rusiya televiziyalarında rus dilini yaxşı bilən azərbaycanlıların çatışmazlığı probleminin olmadığını qeyd edib.

Ermənistanda “Böyük Turan” ordusu qorxusu yaranıb.

@ xəbər verir ki, Ermənistan mediası 3 milyona yaxın canlı qüvvənin birləşəcəyi bu ordunun Avrasiyada bütün qüvvələri əzib keçəcəyindən və bunun İrəvan üçün gələcək təhlükəsindən bəhs edir.

“Ermənistanın səsi” saytı yazır ki, Turan ordusunun qurulması məsələsi yeni deyil: “Vaxtilə Türkiyənin nüfuzlu “Uluslararası Politika Akademisi” nəşri bu layihənin həyata keçirilməsi ilə bağlı Türkiyə, Azərbaycan, Qırğızıstan və Monqolustanın hüquq-mühafizə orqanlarının hərbi statusla birləşdirilməsindən yazırdı. Hərbi statuslu hüqiq-mühafizə orqanlarını birləşdirən belə bir ordu 2 milyon 800 min əsgərdən ibarət olacaqdı. Azərbaycan mediası bu ordunun Dağlıq Qarabağda anti-terror əməliyyatı keçirə biləcəyi haqda tez-tez yazır. İndi belə bir ordunun yaradılması layihəsində Mərkəzi Asiyanın hansı ölkəsinin yer alacağı bilinməsə də, ideyanın əməli işdə həyata keçirilməyə başlandığını deyə bilərik”.Avropa Məhkəməsi sentyabrın 10-da Azərbaycanla bağlı daha bir qərarını açıqlayıb. Söhbət 2011-ci ildə Naxçıvan Milli Təhlükəsizlik Nazirliyində (MTB) ölən 31 yaşlı Turac Zeynalovun atası Şuriyyə Zeynalovun şikayəti üzrə çıxarılan qərardan gedir. Avropa Məhkəməsi belə nəticəyə gəlib ki, T.Zeynalov Naxçıvan MTN-ində işgəncə ilə öldürülüb.

Avropa Məhkəməsi bu işdə İnsan Hüquqları və Əsas Azadlıqların Müdafiəsinə dair Konvensiyanın həm 2 (yaşamaq hüququ), həm də 3-cü (işgəncəyə, ləyaqəti alçaldan rəftara məruz qalmamaq hüququ) maddələrinin pozulduğunu təsdiqləyib. Azərbaycan hökumətinin üzərinə Şuriyyə Zeynalova mənəvi ziyana görə 35 min, hüquqi xərclərinə görə isə 2 min avro kompensasiya ödəmək öhdəliyi qoyulub.

Naxçıvan aeroportunda sürücü işləyən 31 yaşlı T.Zeynalov 2011-ci ilin avqustunda Naxçıvan MTN-i həbs edib. Ona qarşı dövlətə xəyanət ittihamı irəli sürülüb. İddia olunub ki, onun İranın xüsusi xidmət orqanları ilə əlaqəsi var. Üç gün sonra ailə üzvlərinə Turacın xəstəlikdən vəfat etməsi barədə məlumat verilib.

Milli Məclisin II çağırış deputatı (keçmiş nəqliyyat naziri Ziya Məmmədovun qardaşı) Elton Məmmədovun şirkəti kimi tanınan “Bakı-XXI Əsr” MMC fəaliyyətinə xitam verməsi ilə bağlı Report-da məlumat yayılıb.

Məsələ ilə bağlı Unikal.org-a açıqlama verən Elton Məmmədov bildirib ki, sözügedən şirkətin ona aidiyyatı yoxdur.

"Bu şirkətin mənimlə və ailəmizlə heç bir əlaqəsi yoxdur. “Bakı-XXI Əsr” MMC-ni və rəhbərini tanımıram. Əgər deyilənlər doğru olsaydı həmin şirkət bizim adımıza qeydiyyatdan keçərdi. Mənim və qardaşım Ziya Məmmədovun adıçəkilən MMC-yə heç bir bağlılğı yoxdur".Ermənistan silahlı qüvvələrinin bölmələri cəbhənin müxtəlif istiqamətlərində snayper tüfənglərindən istifadə etməklə sutka ərzində atəşkəs rejimini 31 dəfə pozub.

Yenisabah.az bu barədə Müdafiə Nazirliyinə istinadən xəbər verir. 

Ermənistan Respublikası Berd rayonunun Mosesqex kəndində yerləşən mövqelərdən Tovuz rayonunun Ağdam kəndində yerləşən mövqelərimiz atəşə tutulub.

Tərtər rayonunun işğal altında olan Çiləbürt, Ağdam rayonunun Yusifcanlı, Füzuli rayonunun Qorqan, Horadiz, Cəbrayıl rayonunun Nüzgar kəndləri yaxınlığında, həmçinin Tərtər rayonu ərazisindəki adsız yüksəkliklərdə yerləşən mövqelərdən də ordumuzun mövqeləri atəşə tutulub."Tofiq Yaqublu məsələsini çox uzatdıq deyəsən".

Yenisabah.az xəbər verir ki, bunu tanınmış jurnalist, media eksperti Azər Həsrət deyib.

"Məncə, artıq onu açıb buraxmaq, məsələni də qapatmaq lazımdır. Törətdiyi əməl də xüsusi təhlükəli deyil və belə əməllərə görə heç adamı tutmurlar da. Bu arada xatırladım ki, bir vaxtlar İlqar Məmmədov məsələsi də belə uzanırdı və şəxsən mən onun həbsdə saxlanmasının zərərli olduğunu dəfələrlə demişəm. Lakin eşidənmi vardı? Bəs sonra nə oldu? Sonra dövlətimiz onun haqqını tanıdı və hətta təzminat da ödədi. Arada biz pis olduq. Ona görə də Tofiq Yaqublunu buraxmaq lazımdır. Demədi deməyin, sonra gec olacaq" - A.Həsrət qeyd edib.

Видео Günün əsas xəbərləri 14.09.2020 təcili xəbər, 3 Milyonluq Türk Ordusu QARABAĞA GİRƏCƏK!, Son Xəbər! канала Qazanc Yolu