Yekun xəbərlər 23.09.2021 Xankəndidə DƏHŞƏT - Ermənilər hərəkətə KEÇDİ

“Rusiya olmasaydı, Ermənistanın hansı duruma düşəcəyini demək çətindir”.
KONKRET.az xəbər verir ki, bunu erməni professor Tatul Manaseryan deyib. O, Moskva ilə iqtisadi əlaqələrin İrəvan üçün oksigen kimi olduğunu söyləyib.

Manaseryan Ermənistanın Rusiyadan tamamilə asılılığını etiraf edib və vurğulayıb ki, Moskva ilə əlaqələr ölkəsi üçün həyati əhəmiyyətə malikdir.
Professor bildirib ki, İrəvanla Moskva arasında iqtisadi əməkdaşlıq olmasaydı nə olacağını təsəvvür etmək belə çətindir:
“Biz hər zaman Azərbaycan və Türkiyə ilə dialoqa girməyin tərəfdarı olmuşuq”.
KONKRET.az xəbər verir ki, bu sözləri Erməni Milli Konqresi partiyasının nümayəndəsi Aram Manukyan Azadlıq Radiosunun Ermənistan bürosuna verdiyi açıqlamasında deyib. Onun sözlərinə görə, hətta 1993-cü ilə qədərki ağır dövrlərdə də, Ermənistanın Türkiyə ilə əlaqələri olub. Münasibətlərin normallaşmasında Ankaranın hansısa ilkin şərt irəli sürməsinə gəldikdə isə, Manukyan bildirib ki, bunu oturub danışmaqla həll etmək lazımdır: “Siz oturub danışmalı, onun nə təklif etdiyinə, öz təklifinizə, nədə razı olub-olmadığınıza baxmalısınız. Bu dövlətin borcu və məsuliyyətidir. Hamını rədd edib özünütəcrid siyasəti yürütmək və bu vəziyyətdə boğulmaq olmaz” – Manukyan vurğulayıb.

Manukyan əlavə edib ki, Ermənistan istənilən halda oturub Azərbaycanla danışmalıdır: “Əsirlərin qaytarılması və minalanan ərazilərin təmizlənməsi kimi problemləri həll etmək lazımdır. İstənilən rəqib öz rəqibi ilə oturub danışmalıdır”.
“İran Ermənistandan ən qısa müddətdə Gorus bölgəsində son dövrlər Azərbaycan Cümhuriyyəti tərəfindən bağlanan yola alternativ (cayqozin) olan yol çəkməsini gözləyir.”
KONKRET.az İran mətbuatına istinadən xəbər verir ki, bu sözləri İranın Ermənistandakı səfiri Abbas Bədəxşan Zühuri jurnalistlərə verdiyi açıqlamada deyib. O, Gorus-Qafan yolunda Azərbaycan polisinin və gömrük işçilərinin “İrandan Ermənistana gedən” yük maşınlarını saxlayaraq “gömrük rüsumu kimi pul aldığını” deyərək, səfirliyin bu “problemi” ən qısa vaxtda həll etmək üçün səy göstərdiyini qeyd edib.

Zühuri daha sonra iddia edib ki, 44 günlük 2-ci Qarabağ savaşından sonra Azərbaycanla Ermənistan arasında əldə edilmiş razılaşmaya əsasən, “Ermənistanın Gorus yolunun Azərbaycan ərazisindən keçən iki hissəsi alternativ yol tikilənə qədər nəqliyyat vasitələrinin hərəkətinə açıq olmalı idi”.
Hər zaman qatı anti-Azərbaycan, amma ermənipərəst mövqeyi ilə fərqlənən səfir Abbas Bədəxşan Zühuri Azərbaycanın qanuni olaraq İran yük maşınlarından gömrük rüsumu almasından şikayətlənib və “İnşallah bu problemin həll olunması” üçün səylər göstərildiyini deyib. Qeyd edək ki, Azərbaycan  İranla Ermənistanın ticarət əlaqələrinə müdaxilə etmir. Yalnız İrandan Gorus-Qafan yolu ilə qanunsuz olaraq Rusiya sülhməramlı qüvvələrinin müvəqqəti yerləşdiyi Azərbaycan ərazilərinə, yəni Xankəndi başda olmaqla Qarabağda yerləşən bir neçə şəhərə tikinti malları və şübhəli yüklərin daşınmasının yolverilməz olduğunu bəyan edir. Azərbaycan dəfələrlə İrana diplomatik nəzakətlə etiraz etsə də bunun faydası olmamışdı və nəhayət Tehrana bununla bağlı etiraz notası (یادداشت اعتراض) təqdim edilmişdi. Amma səfirin dedikləri bir daha sübut edir ki, İran hələ də Qarabağda qalan, müsəlman Azərbaycan xalqını qətliam edən erməni işğalçılarının tör- töküntülərinə yardım edərək onların yenidən azərbaycanlılara qarşı soyqırımı, işğal və qətliam törətməsinə göz yumacaq. İran mətbuatında ən diqqət çəkən yazılardan biri “Qafqaz.ir“ saytında Zühurinin dediklərini “İranın İrəvandakı səfirinin iranlı sürücülərin problemlərini həll etmək yönündə vədi” başlıqlı xəbərdir. Bir neçə gün bundan öncə Azərbaycanı təhdid edən Ərdəbilin baş axundu Həsən Ameliyə tabe olan bu sayt daim güya “Azərbaycanda şiələrin sıxışdırıldığını” iddia edərək, anti-Azərbaycan xəbərləri yaymaqla tanınır. Bəs görəsən indi şiə Qarabağ əhalisini qətliam edən ermənilərə İran yük maşınlarının içərisində nə olduğu məlum olmayan yüklər daşıması qarşısında yaranmış “əngəl”in həll olunmasına səfirin “söz verməsini” Qafqaz saytı niyə belə böyük şövqlə dərc edir?
Amaras monastrında separatçıların rus sülhməramlılarının müşayiəti ilə öz əski parçalarını qaldırması haqqında hələ avqust ayında mətbuata məlumat vermişdik. Ona görə bu məsələ bizim üçün yenilik olmadı. Ümumiyyətlə götürəndə isə ermənilər bütün Azərbaycan ərazisindəki xristianlığa qədər və xristianlıq dövründə olan abidələrimizi öz mülkiyyəti hesab edir.
Bu sözləri Axar.az-a açıqlamasında Azərbaycanın İşğal Olunmuş Ərazilərindəki Tarix və Mədəniyyət Abidələrini Müdafiə Təşkilatı İctimai Birliyinin sədri, professor Faiq İsmayılov deyib.

Видео Yekun xəbərlər 23.09.2021 Xankəndidə DƏHŞƏT - Ermənilər hərəkətə KEÇDİ канала Qazanc Yolu