XARİCDƏ YAŞAYAN AZƏRBAYCANLI MƏŞHURLAR (2-Cİ HİSSƏ)

Çoxlarımız Azərbaycanda yaşayıb-yaradan məşhurları tanısaq da, xarici ölkələrdə yaşayan soydaşlarımızın bəzilərini tanımırıq. Bəlkə də bir çoxlarını əcnəbi olaraq tanısaq da, xəbərimiz yoxdur ki, onlar Azərbaycan əsillidirlər. Gəlin dünyaca məşhur azərbaycanlıları tanıyaq:

1) Əsl adı Bəxtiyar Əliyev olan Bahh Tee, Azərbaycan əsilli rus müğənnisi, bəstəkar və mahnı müəllifidir. O, 1988-ci ildə Rusiya paytaxtında anadan olub. Valideynlər yerli azərbaycanlılardır, Ağcabədi şəhərindəndirlər. Bahh Tee sosial şəbəkələr vasitəsilə məşhurlaşan və sonradan əsərlərini tamaşaçılara və radio dinləyicilərinə çatdırmağı bacaran ilk rus sənətkarıdır.

2) Model Günay Musayeva Tovuz rayonunun Düz Cırdaxan kəndində anadan olub. 2007-ci ildən fəaliyyətini Türkiyədə davam etdirir. 2011-ci ilin avqust ayının sonlarında Türkiyənin məşhur aktyorlarından olan Tolqa Karelə evlənib. 2015-ci ildə boşanan cütlüyün bir oğlu var.

3) “Sehirli Xalat”ın Rəşidi Azər Qurbanov 1992-ci ildən ABŞ-ın Nyu-Cersi ştatının Şort-Hills şəhərində yaşayır. Bakıda 225 saylı orta məktəbdə rus dilində təhsil alıb.
Aktyorun ən yaddaqalan rolu "Sehrli xalat" (1964) filmindəki pioner Rəşid obrazı olub. Hazırda Azər Qurbanov kiçik bizneslə məşğuldur.

4) “Twitter”da pay sahibi olan Tural Bədirxanlı 1986-cı ilin yanvarın 21-də Quba rayonunda müəllim ailəsində dünyaya gəlib. O, XI sinfi bitirəndən sonra təhsilini Türkiyədə və ABŞ-da davam etdirib. İki həmkarı ilə birlikdə “Namo media” interaktiv reklam proqramını yaradıb. Uzun müddət “Twitter”lə əməkdaşlıq etdikdən sonra “Namo media”nı 50 milyon dollara satıb. “Namo Media” interaktiv reklam proqramı iPhone, Android telefonlarına yazılan applikasiya sahiblərinə reklamdan pul qazanmaq imkanı yaradır.

5) Uzun müddətdir ki, Türkiyədə yaşayan Məlahət Abbasova İstanbul Bələdiyyə teatrının aktrisası və rejissorudur. 1991-ci ildə Türkiyə vətəndaşı ilə ailə qurub, o vaxtdan bəri İstanbulda yaşayır. Onun Uğur və Sudə adında iki övladı var.

6) Elman Zeynalov 18 noyabr 1993-cü ildə Sumqayıtda anadan olub. Zeynalov hələ uşaq ikən, ailəsi ilə birlikdə Rostov-Don-a köçüblər. Müğənni karyerasına 2017-ci ildə Muz-TV kanalındakı "Yeni Ulduz Fabriki" yarışmasında iştirakından sonra başladı. Elə həmin il ilk mahnısı "Adrenalin"i işıq üzü gördü. Hazırda müğənnilikə yanaşı RAAVA musiqi leyblının meneceridir. Həmin kampaniya Andro, Jony, Gafur kimi məşhur ifaçıların prodüserliyini edir.

7) İtaliyanların “Şahmat dahisi” adlandırdığı Azərbaycan əsilli İtaliya şahmatçısı Mirağa Ağayev 1993-cü ildə Ucar rayonunda anadan olub. 2003-cü ildə 10 yaşından ailəsi ilə birlikdə İtaliyaya köçüb, Milanda şahmat məktəbinə getməyə başlayıb. Sonradan oyunlarını intensivləşdirib və İtaliya çempionatında 14 yaşlılar arasında ikinci yerə sahib olub. İtaliyada şahmat sahəsində bir sıra ilklərə imza ataraq Pyemont regionunda beynəlxalq usta adını alan ilk şahmatçı olaraq tarixə düşmüşdür. O, 2015-ci ildə İtaliyada keçirilən Beynəlxalq yarışda Ermənistanın baş məşqçisi və qrossmeysteri olan 52 yaşlı erməni Karen Movsesyanı məğlub etmişdir.

8) Ruslana Gee adı ilə tanınan azərbaycanlı model və bloger Ruslana Cavadova 1997-ci ildə Bakıda anadan olub. Gənc olmasına baxmayaraq, L’Oreal, Maybelline və ASOS kimi markalarla əməkdaşlıq edir. O, 2016-cı ildə Fransada "L'Officiel Awards"-ın illik mükafatları çərçivəsində iki nominasiya üzrə - "Ən yaxşı model" və "Ən yaxşı moda blogeri" - mükafatlarına layiq görülüb. Hazırda Amerikada LACC kollecində təhsil alır və həmçinin blogerlik fəaliyyətini davam etdirir.

9) Üzeyir Novruzov 1976-cı ildə Qərbi Azərbaycanın Böyük Qaraqoyunlu kəndində dünyaya gəlib. 9 yaşında olarkən ailəsi ilə birlikdə Rusiyaya köçüb. Məktəbi bitirdikbən sonra Moskva Dövlət Sirk Məktəbində təhsil alaraq, sirk ustası ixtisasına yiyələnib. 2002-ci ildə ABŞ-da fəaliyyət göstərən sirklərin birindən dəvət alıb və orada çalışıb. Hazırda ABŞ-ın Las-Veqas şəhərində yaşayır. 2015-ci ildə qatıldığı America's Got Talent yarışmasında nərdivanla sərgilədiyi çıxışı ona məşhurluq gətirib. Üzeyir 6 metrlik nərdivanda 7 dəqiqə 50 saniyə qalmaqla Ginnesin Rekordlar Kitabına düşüb.

10) Azərbaycanlı dizayner Rüfət İsmayıl 1981-ci ildə Bakıda dünyaya gəlib, 14 yaşında Amsterdama köçüb. Gənc yaşlarında Yudashkin, Pak Roban və bir çox məşhur dizaynerlərlə çalışmağa başlayıb. 2014-cü ildə öz brendini yaratmaq qərarına gəlib. Milanda Afffair.fff kişi kolleksiyasını hazırlayıb.Hazırda İstanbulda yaşayan R.İsmayılov Türkiyənin "ən yaxşı dizayneri" adına layiq görülüb. R.İsmayıl yeganə Azərbaycan dizayneridir ki, kolleksiyaları bu gün Milan, İtaliya,Nyu-York, Dubay, İran moda həftələrində nümayiş olunur.

Видео XARİCDƏ YAŞAYAN AZƏRBAYCANLI MƏŞHURLAR (2-Cİ HİSSƏ) канала X - FAKTLAR