Наурыз - Шу 2019 ж

Шу ауданында Наурыз мейрамы қала мен аудан орталығының ортасында орналасқан «Наурыз төбеде» мерекеленіп өтті. Бұл атаулы наурыз мейрамын аудан әкімі Қайрат Досаев құттықтау сөз сөйлеп ашып берді. Мерекеге жиылған жұрттың қарасы көп болып он шақты қазақ үйлер мен шатырлар,алтыбақан тігіліп, аудандық мәдениет үйінің қатысуымен театрланған көріністер көрсетіліп, концертік бағдарламалар қойылды. Наурыз мерекесіне жиналған аудандық мекемелер мен кәсіпкерлер наурыз көжелерін пісіріп мерекеге жиылған халыққа дастархан жайып, түрлі тағамдармен қонақжайларын көрсетті. Сонымен қатар спорттың әр – бір түрлерінен ойындар өткізіліп жеңімпаздар марапатталды. Ал қазақтың дәстүрлі ат ойындарына халық көптеп жиылып, ырзашылықтарын білдірді. Қыз қуу, теңге ілу сонымен қатар балуандар да күш сынасып наурыз тойын қыздыра түсті. Ал тай, құнан, аламан бәйгесіне жиналған атбегілер де жүйріктерінің бағын сынап аудан әкімінің марапатына иеленді. Аламан бәйгесіне 16 сәйгүлік, құнан бәйгесіне 21 ал тай бәйгесіне 31 ат шаптырып 1 – 5 аралығындағы орындарға қаржылай сыйлықтар тапсырылды.

Видео Наурыз - Шу 2019 ж канала Жумахан Чекаев