फडणवीसांची चौकशी होणार..? विधानसभेत राडा Devendra Fadnavis vs Bhaskar Jadhav in Vidhansabha

फडणवीसांची चौकशी होणार..? विधानसभेत राडा Devendra Fadnavis vs Bhaskar Jadhav in Vidhansabha

मनसुख हिरन मृत्यू प्रकरणी मुंबई क्राइम ब्रांचमधील अधिकारी सचिन वाझे यांच्यावर निलंबनाची कारवाई करून त्यांना अटक करण्यात यावी, अशी मागणी आज विरोधी पक्षनेते देवेंद्र फडणवीस यांनी विधानसभेत केल्यानंतर सभागृहात सत्ताधारी आणि विरोध आमनेसामने आले. फडणवीसांच्या मागणीवर शिवसेनेचे सदस्य भास्कर जाधव यांनी जोरदार शब्दांत पलटवार केला. त्यामुळे वातावरण आणखीच तापलं.

अन्वय नाईक यांचे आत्महत्या प्रकरण देवेंद्र फडणवीस यांनीच दाबले होते. पण राज्यात महाविकास आघाडीचे सरकार आल्यानंतर सचिन वाझे यांच्याकडे या प्रकरणाचा तपास दिला गेला, त्यामुळे या प्रकरणात आपण अडचणीत येऊ शकतो या भीतीमुळेच देवेंद्र फडणवीस यांनी सचिन वाझे यांच्यावर कारवाईची मागणी केली आहे, असा आरोप शिवसेनेचे आमदार भास्कर जाधव यांनी केला आहे. तसेच न्यायमूर्ती लोया यांच्या संशयास्पद मृत्यूचा तपासही का दाबला गेला असा सवालही जाधव यांनी उपस्थित केला आहे. तसेच सचिन वाझे यांना पदावरुन हटवण्यासही त्यांनी विरोध केला आहे.

देवेंद्र फडणवीस मुख्यमंत्री असताना २०१७ मध्ये अन्वय नाईक आत्महत्या प्रकरण दाबण्यात आलं. अन्वय नाईक यांच्या पत्नीच्या विनंतीवरून आता आमचं सरकार या प्रकरणाची चौकशी करत आहे. सचिन वाझे यांच्याकडे हा तपास देण्यात आला आहे. त्यांनी या प्रकरणात गुन्हा दाखल असलेल्या अर्णब गोस्वामी यांना घरातून उचलून आणले. त्यामुळे वाझे पदावर राहिले तर माजी मुख्यमंत्र्यांसह आणखीही अनेक जण गोत्यात येतील, असे त्यांना वाटत आहे व त्यामुळेच भाजपकडून सचिन वाझे यांना लक्ष्य करण्यात येत आहे', असा थेट आरोप जाधव यांनी फडणवीस आणि भाजपवर केला. त्यावरून जाधव आणि फडणवीस यांच्यात जोरदार चकमक झडली.

#DevendraFadnavis #BJP #BhaskarJadhav #Shivsena #ArnabGoswami #MansukhHiren #Vidhansabha #Marathi

Видео फडणवीसांची चौकशी होणार..? विधानसभेत राडा Devendra Fadnavis vs Bhaskar Jadhav in Vidhansabha канала Fakt Maharashtra