ԲԱՐԴ ԸՆՏՐՈւԹՅԱՆ ԱՌԱՋ․ Հայաստանը չի՞ կարող, թե չի կողմնորոշվում․ Թուրքիան պատրաստվում է նոր հարձակման

Հայաստանում Միացյալ Նահանգների դեսպան Լին Թրեյսին խոսել է Հայաստանի և ԱՄՆ միջև անվտանգային ոլորտում գործակցությունը խորացնելու Վաշինգտոնի պատրաստակամության մասին, ընդ որում թե ռազմական կադրերի պատրաստման, թե սպառազինության մատակարարման առումով: Հայաստանին ամերիկյան զենքի մասին Վաշինգտոնը հիշեցրել է դեռևս 2018 թվականի հոկտեմբերին, երբ այցելել էր ԱՄՆ նախագահի ազգային անվտանգության հարցերի խորհրդական Ջոն Բոլթոնը:
Վարչապետ Փաշինյանի հետ հանդիպմանը նա հայտարարեց, որ հայկական կողմը կարող է ձեռք բերել ամերիկյան զենք, որն առավել որակյալ է, քան ռուսականը: Հետագա իրադարձությունների համապատկերում թերևս նշմարվում են Ջոն Բոլթոնի առաջարկի կամ հայտարարության բավականին նուրբ քաղաքական շերտեր, եթե դիտարկում ենք այն իրողությունը, որ Հայաստանին ու Արցախին պարտադրված թուրք-ահաբեկչական պատերազմը ըստ էության նաև ռուսական սպառազինության պարտությունն էր: Խոսքն անշուշտ առանձին վերցրած սպառազինության տեսակների մասին չէ, այլ ընդհանրապես ռազմա-արդյունաբերական համալիրների արդիականության աստիճանի, սպառազինության համալիր մակարդակի մասին: Ներկայումս, երբ խոսվում է հայկական բանակի արդիականացման մասին, առանցքում թերևս պետք է լինի այն, թե հեռանկարում մենք ինչ որակի, ինչ սերնդի պատերազմի պետք է պատրաստվենք և այդ հարցում որքան նպատակահարմար է ապավինել լոկ ռուսական ռազմաարդյունաբերությանը, այն դեպքում, երբ գործ ունենք հակառակորդների կամ սպառնալիքների հետ, որոնք կարող են լինել նվազագույնը մեկ քայլ առաջ:
Նյութի աղբյուր՝ 1in.am
#lurer #hayastan #amn #rusastan #erdoxan #aliev #putin #bayden #arcax #karabagh #artahert #kocharyan #haykakanbanak

Видео ԲԱՐԴ ԸՆՏՐՈւԹՅԱՆ ԱՌԱՋ․ Հայաստանը չի՞ կարող, թե չի կողմնորոշվում․ Թուրքիան պատրաստվում է նոր հարձակման канала Banber News