ԿԱՏԱՂԻ ԱՌՃԱԿԱՏՈւՄ․ «Զանգեզուրի միջանցք»-ի առեղծվածը․ Ինչու՞ է Իրանը մտնում խաղի մեջ

Պատերազմի օրերին Իրանը պաշտոնական մակարդակում հավատարիմ էր չեզոք դիրքորոշմանը՝ հանդես գալով նաև Ադրբեջանի տարածքային ամբողջականության սկզբունքների պահպանման և հակամարտության քաղաքական-դիվանագիտական կարգավորման օգտին: Թեհրանը նաև հայտարարել էր միջնորդ դառնալու իր պատրաստակամության մասին:
Պատճառները պարզ են և բացատրելի, - նշում է ռուս կովկասագետ-վերլուծաբան Ստանիսլավ Տարասովը: Թեհրանը զգուշանում էր, որ որոշակի պայմաններում և հանգամանքներում հակամարտությունը կարող է տեղափոխվել իր տարածք, որտեղ ավելի շատ ադրբեջանցիներ կան, քան բուն Ադրբեջանում, և կա նաև զգալի և ազդեցիկ հայկական սփյուռք:
Թեհրանը ողջունեց Ռուսաստանի, Ադրբեջանի և Հայաստանի միջև եռակողմ խաղաղ համաձայնագիրը, որը հանգեցրեց ղարաբաղյան պատերազմի ավարտին: Բացի այդ, համաձայնագիրն առերեւույթ հիշեցնում էր «հաշտության բանաձևը», որը ժամանակին առաջարկում էր Թեհրանը: Այն ժամանակ Իրանն առաջարկել էր միջնորդական խումբ ստեղծել «3+3» բանաձեւով - Ռուսաստան, ԱՄՆ, Ֆրանսիա + Հայաստան, Ադրբեջան, Վրաստան: Անմիջապես աչքի է զարնում այն, որ Թուրքիան բացակայում է այդ երկու ձևաչափերում: Պատճառները նույնպես պարզ են։ Իրանը չի ցանկանում և զգուշանում է ադրբեջանա-թուրքական ռազմաքաղաքական դաշինքից ու տարածաշրջանում Անկարայի ազդեցության մեծացումից:
Նյութի աղբյուր՝ 1in.am
#lurer #iran #erdoxan #putin #hayastan #adrbejan #aliev #zangezur #arcax #karabagh

Видео ԿԱՏԱՂԻ ԱՌՃԱԿԱՏՈւՄ․ «Զանգեզուրի միջանցք»-ի առեղծվածը․ Ինչու՞ է Իրանը մտնում խաղի մեջ канала Banber News