"Таҳлилнома" Ўзбекистонда ҳафтанинг энг муҳим янгиликлари. 3 январ 2021 йил | Tahlilnoma

"Таҳлилнома" кўрсатуви
"Ўзбекистон 24" телеканали
Ҳаётимизнинг яна етти куни ортда қолди ва одатдагидек Таҳлилнома орқали ўтган етти кунда содир бўлган воқеалар шарҳига киришамиз. Ҳа, бугун инсоният жуда қийин вақтни ўз бошидан кечирмоқда, аммо ҳар қандай қийинчилик ҳаётимиз йўлларида муаммоларининг энг мақбулини топишга тажриба ҳамдир.
28 декабр куни Президент Кўксаройда давлат мукофотларини топширди.
– Бу ерда ўтирганлар бугунги куннинг қаҳрамонлари, мардона халқимизнинг буюк вакиллари, – дея таъкидлади давлатимиз раҳбари.
Шавкат Мирзиёев мукофотланган барча ҳамюртларимизга йиғилганлар номидан табрик йўллади.
Маросимда давлат ва жамоат ташкилотлари раҳбарлари, меҳнат фахрийлари, зиёлилар, ёшлар иштирок этди.
29 декабр куни президент Шавкат Мирзиёев Олий мажлисга мурожаатномасини йўллади.
30 декабр куни Ўзбекистон ва Тожикистон Президентлари телефон орқали мулоқот қилдилар.
Давлат раҳбарлари кириб келаётган Янги йил билан бир-бирларини самимий қутлаб, икки биродар халққа тинчлик, фаровонлик ва равнақ тиладилар.
Суҳбатда мамлакатларимиз ўртасидаги дўстлик, яхши қўшничилик ва стратегик шериклик муносабатларини мустаҳкамлаш вазифалари белгиланди, минтақавий аҳамиятга молик долзарб масалалар муҳокама қилинди.
30 декабр куни Ўзбекистон Президенти Қозоғистон Президенти билан телефон орқали мулоқот қилди.
Суҳбат аввалида Шавкат Мирзиёев ва Қасим-Жомарт Тоқаев бир-бирларини ва икки мамлакат қардош халқларини кириб келаётган янги 2021 йил билан самимий табрикладилар, тинчлик, фаровонлик ва равнақ тиладилар.
Президентлар, шунингдек, минтақавий ҳамкорлик истиқболлари юзасидан фикр алмашиб, бўлажак олий даражадаги тадбирлар режасини муҳокама қилдилар.
30 декабр куни Ўзбекистон ва Туркманистон Президентларининг телефон орқали мулоқоти бўлиб ўтди.
Давлат раҳбарлари бир-бирларини самимий қутлар эканлар, кириб келаётган Янги йил муносабати билан дилдан табриклар алмашиб, икки мамлакат биродар халқларига тинчлик, фаровонлик, бахт-саодат, муваффақият ва равнақ тиладилар.
2021 йилда кўп қиррали ҳамкорликни кенгайтириш бўйича қўшма режалар атрофлича кўриб чиқилди.
30 декабр куни Ўзбекистон Президенти Шавкат Мирзиёев Қирғизистон Президенти вазифасини бажарувчиси Талант Мамитов билан телефон орқали мулоқот қилди.
Томонлар кириб келаётган Янги йил муносабати билан бир-бирларини самимий қутлаб, икки биродар халққа тинчлик, фаровонлик ва бардавом равнақ тиладилар.
Мамлакатларимиз ўртасидаги дўстлик, яхши қўшничилик ва кўп қиррали шериклик алоқаларини мустаҳкамлаш масалалари муҳокама қилинди.
Агар каналимиздаги видео Сизга ёққан бўлса ЛАЙК босинг ва каналимизга аъзо бўлиш учун "ПОДПИСАТЬСЯ" тугмасини босишни унутманг!
Манба: Ўзбекистон Миллий Телерадио Компанияси.
www.mtrk.uz

Видео "Таҳлилнома" Ўзбекистонда ҳафтанинг энг муҳим янгиликлари. 3 январ 2021 йил | Tahlilnoma канала UZBEK TV