Тамақ таппай, жылап жүр...

Картоптың келісі 500-ден асып, сәбіз 700, сұйық май мың теңгеге жеткенде жалғыз жәрдемақымен күн көріп отырған азаматтар қалай өмір сүріп жатыр? Қымбатшылықтың қысқаны сонша Нұр-Сұлтандық Лаура Нұртазинова қазір саудагерлерден тұрып қалған көкөністі сұрап алып, жан бағуда. Еден жуып, 32 мың теңге айлық алатын жалғызбасты ана жәрдемақының арқасында ғана пәтер жалдап отыр. Қазір оған ауладағы ешбір дүкен қарызға азық-түлік бермейді екен. Өйткені алғанын қайтара алмай, белшеден берешек болып қалған. Егер тамақ тағы қымбаттайтын болса қалай жан бағатынымызды білмеймін деген келіншек сұқбат барысында еріксіз жылап жіберді.
ЛАУРА НҰРТАЗИНОВА жалғызбасты, көпбалалы ана:
– Алатыным 90 мың теңге. АСП и пособия. АСП-ым 50 мың теңге шығады. Пособиям 46 мың теңге шығады. Оның 75 мың теңгесін мен квартираға беремін. Қалған ар жағынан мен дым ала алмаймын. Мына көкөністердің барлығын анау фруктовыйдағылардан бұзылып қалғандарын елдер береді. Өстіп әкеліп қойып, балдарыма әйтеуір кішкенеден жұғымдап беремін. Жеп отырған тамағымыз міне: құр майға макарон пісіріп жейміз осылай. Күніне бір уақыт тамақ жейміз. Көбінесе балаларым енді жоқ болғаннан кейін қара нан мен қара шәймен өстіп отырамыз. Жетпейді ештеңеге. Жаңа картошка алып келдім. Міне: екі картошка мен сарымсақ алып келдім. Одан артық біз ала алмаймыз ештеңе де. Сүт бермей келдім балама, өйткені менің уже қарызым көбейіп кетті магазинде. Қашан әкелесің, қашан әкелесің қарызды деген кезде жаным шығады. Балаларыма білдіртпей, бұлар: мама жыламашы, мама жыламашы дейді!
Айта кетейік, қазіргі таңда Лаура Нұртазинова секілді бір айлық табысы отбасындағы адамдардың санына шаққанда 34 мың теңгеден аспайтын, ел бюджетінен атаулы әлеуметтік көмек алып отырған 799 мың екі жүз адам бар. Олардың 171 мыңнан астамы 6 жасқа дейінгі балалар.
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#күнкөріс_қамы #қымбатшылық #әлеуметтік_көмек

Видео Тамақ таппай, жылап жүр... канала Информбюро 31