🥊PACQUIAO, TUNAY na GENTLEMAN sa LOOB at LABAS ng RING | PINADAGDAGAN ang KIKITAIN ni DIAZ sa LABAN

Former WBC Lightweight champion na si David Diaz – todo saludo kay Manny Pacquiao sa loob at labas ng boxing ring.

Tumatak ng todo sa mga boxing fans ang kaisa-isang laban ng ating pambansang kamao sa 135 pound division.

3 buwan matapos magwagi via split decision sa ikalawang laban kay Juan Manuel Marquez at makuha ang WBC Super Featherweight title , umakyat ng timbang si Pacquiao para hamunin ang WBC Lightweight champ David Diaz.

Nakuha ni Diaz ang titulo ng manalo kontra kay Erik El Terible Morales.

Simula pa lang, busog na busog na sa aksiyon ang bakbakan.

Hindi nagpapatinag ang kampeon – kahit na kaliwat kanan ang sinasalong suntok mula kay Pacman.

Sumasabay pa din at nag-aabang lang ng tamang pagkakataon para makatama ng maganda.

Ngunit nag-antay si Diaz sa wala. Hindi dumating ang inaasahan niyang pagakakataon dahil sa bilis ng footwork at mga kamao ni Pacquiao.

At sa tuwing susubukin niyang bumitaw ng suntok – sa hangin na lang ito tumatama.
Walang ding inatupag na iba si Diaz kundi ang sumalag.

Maba-block niya ang una at pangalawang suntok, pero hindi na ang mga kasunod na kombinasyon.

At sa pagitan ng mga rounds – aminado si Diaz na iba ang bilis ni Pacman sa kanyang mga nakalaban.

Hindi na pinatagal ni Pacquiao ang laban – round 9 - pinainan ni Manny si Diaz ng isang right jab sabay left straight na siyang nagpabagsak sa kampeon.

Sobra sobra na ang oportunidad na ibinigay ng referee na si Vic Drakulich kay Diaz para makaporma ngunit sa pagkakataong ito, inihinto na niya ang laban.

Panalo si Pacquiao via 9th round tko at nakuha ang kampeonato sa ikalimang dibisyon.
Isang tunay na gentleman talaga ang ating pambansang kamao sa boxing ring.

Matapos pabagsakin si Diaz – gusto niyang tulungang makatayo ang nakahilatang kampeon ngunit dahil sa health safety protocol, kailangan munang manatili ni Diaz sa lona para ma-obserbahan.

Ang laban kay Pacman ang naging biggest payday ni David Diaz sa kanyang naging boxing career.

Sa mga interview sa 1996 olympian – nabangit ni Diaz na isang dream-come true ang makaharap si Pacman.

Bago ang laban – isang ‘91 honda na walang air conditioner ang gamit na sasakyan ni Diaz.
Plano niyang bumili ng bagong kotse matapos ang laban.

Eto ang pa-bonus ni Pacman kay Diaz.

Ayon sa isang article – ang original fight purse ni Diaz ay $500,000 dollars. Nakiusap daw si Pacman kay Arum na dagdagan ang premyo at gawing $850 thousand dollars.

At ng matapos na ang laban – nag request daw ulit si Pacquiao kay Arum na isara na sa $1 million dollars ang kikitain ni Diaz ngunit – di tiyak kung ito ay nagkatotoo.

Ayon sa isang interview kay Arum – kahit wala pang eksaktong figure na ibinibigay ang ComCast tungkol sa pay-per-view, ang laban ay tinatayang nakakuha ng 250 thousand pay-per-view buys.

Kaya malamang na umabot ng $1 million ang kinita ni Diaz.

Si Pacman naman ay may guaranteed na may maibubulsang $3 million dollars plus ppv sales.

Ang bakbakang tinawag na lethal combination ay nakapag-generate ng mahigit $12 million dollars kasama na ang live gate attendance ng kulang-kulang 9 na libong tao na nanuod ng laban sa Mandalay Bay in Las Vegas.

Kaya tubong lugaw na naman si Bob Arum.

SA PAREHAS DING TAON, inimbitahan ni PACQUIAO si Diaz sa kanyang ika-30 taong kaarawan. Hindi makapaniwala ang dating kampeon na personal siyang tinawagan ni Pacquiao para maging isa sa mga guest of honors sa kanyang kaarawan.

Hindi makapaniwala si Diaz sa napakagandang pagtangap sa kanya ng mga pinoy boxing fans. Mas naramdaman pa niya na mas sikat siya dito sa Pilipinas kesa sa Chicago na kanyang kinalakihan.

Dito mas napabilib si Diaz sa pagiging mapagkumbaba ni Pacquiao

Nagretiro si Diaz noong 2012 sa record na 36 wins – 17 by knockout, 4 na talo at isang draw.
Sa ngayon si Diaz ay abala sa mundo ng real state business.

Видео 🥊PACQUIAO, TUNAY na GENTLEMAN sa LOOB at LABAS ng RING | PINADAGDAGAN ang KIKITAIN ni DIAZ sa LABAN канала Sports Manda