MARQUEZ, THURMAN at ALGIERI PUMABOR kay PACQUIAO | MALAKI ang TYANSA na MANALO si PACMAN kay SPENCE

Juan Manuel Marquez, Keith Thurman at Chris Algeiri pabor na mananalo si Manny Pacquiao kay Errol Spence

Mainit na usapan ngayon sa mundo ng boxing ang potensyal na unification bout sa pagitan nina Manny Pacquiao at Errol Spence.

Nadepensahan ni Spence, aka The Truth ang kanyang WBC at IBF Welterweight belt kontra kay Danny Garcia via 12 round unanimous decision.

Matapos ang laban, nagparamdam ang ating pambansang kamao sa pamamagitan ng isang pagbati via twitter kay Spence.

Matagal ng naglalaway ang mga batang kampeon na makaharap si Pacman.

Bukod sa napakalaking karangalan ang makasayaw sa boxing ring ang isang legend, instant fame and fortune kung sakaling makasilat sila ng panalo sa ating pambansang kamao.

3 sa mga dating nakalaban ni Pacquiao ang nagbigay ng kanilang saloobin kung sino ang nakakalamang kung sakaling magtapat ngayong 2021 sina Pacquiao at Spence.

Ayon sa Mexican boxing legend Juan Manuel Marquez – iba pa din ang buhay na alamat sa katauhan ni Manny Pacquiao.

Gusto pa din daw na mapanood ni Marquez na makasagupa ni Pacman sina Errol Spence at Terence Crawford.

Sigurado daw na magiging maganda ang laban kahit sino pa sa dalawa ang makatapat ng ating pambansang kamao.

Aminado ang mehikano na magiging malaking hamon daw ito kay Pacquiao pero sa kanyang palagay – may posibilidad na matatalo ni Pacquiao si Spence.

Parehas naman na nakalaban ni Algieri ang dalawang boksingero kaya madali niyang naikumpara ang kaibahan sa pagitan nina Pacquiao at Spence.

Natalo si Algieri via 5th round TKO kay The Truth, unanimous decision naman kay Pacman.

Ayon sa native ng Huntington, New York – malaking pader daw si Spence kung lalabanan ni Pacquiao, pero lamang ang ating senador sa skills.

Si Pacman daw ay may nakakagulat na lakas at bilis na kaya kang pabagsakin sa isang tama lang samantalang si Spence ay gagamitan ka ng mga matutulis na kombinasyon.

Kung sakaling magharap sa 2021 ang dalawa – mahirap daw na isantabi ang isang Manny Pacquiao sabay bigay din ng tip kung paano tatalunin si Spence.

Napabuntung hininga naman si Keith Thurman na tanungin kung sino ang sa tingin niyang lamang kung sakaling maglaban sina Pacquiao at Spence.

Isa daw itong mahirap na katanungan pero walang kurap niya namang binigay ang advantage kay Pacman.

Kahit na malaki, malakas at mas bata daw itong si Spence, parang kidlat pa din daw sa bilis ang 40 anyos na si Pacman.

Ka-abang abang talaga ang laban ni Pacquiao kahit sino pa man ang makaharap niya.

Sa aking palagay – mas mainam sana ang isang tune-up fight bago ang malaking laban dahil- mahirap ang mabakante ng mahigit isang taon.

Pero iba pa din ang boxing IQ ng ating pambansang kamao – malamang alam nya ang kanyang limitasyon, weakness ng kalaban at ang strategy na gagamitin para manalo.

Bueno – kung kayo ang tatanungin ko, payag ba kayo na harapin ni Pacquiao si Spence?

i-comment lang ang inyong sagot.

#manny pacquiao # pacquiaovsspence

Видео MARQUEZ, THURMAN at ALGIERI PUMABOR kay PACQUIAO | MALAKI ang TYANSA na MANALO si PACMAN kay SPENCE канала Sports Manda