Kür çayı quruyur

Vaxtilə daşıb öz məcrasından çıxmaq istəyən və Salyan sakinlərinə qorxulu günlər yaşadan Kür çayı bu dəfə əhalini başqa cür sınağa çəkməyə başlayıb. Çayda suyun səviyyəsi çox kəskin şəkildə aşağı düşüb.
Kür çayının səviyyəsinin metrlərlə aşağı düşməsi çayda adaların ortaya çıxmasına gətirib çıxarıb. Bundan başqa Salyanın sahil boyu yaşayış massivlərində yaşayan əhalini də əməlli-başlı problemə və qayğılara sürükləyib. Sakinlər deyir ki, belə getsə bu il məhsuldarlıq da az olacaq.
Sakinlərin bir neçəsi artıq Kür çayından su götürməyə ümidini itidiyindən su nasoslarını sahildən yığışdırıb. Onlar qeyd edir ki, suyun səviyyəsi aşağı düşdükcə bu su nasoslarının işinə də mənfi təsir göstərir.
Ekoloq Elman Hacıyev deyir ki, son dəfə Kür çayının bu cür quruması 1960-cı illərin əvvəllərində qeydə alınıb. O vaxtdan Kür çayının səviyyəsində qalxma və enmə müşahidə olunsa da bu ildəki kimi baş verməmişdi. Ekoloq gələcək günlərdə suyun daha da azalacağını deyir. Ekoloq Kürün indiki vəziyyətini son vaxtlar yağıntının heç olmaması, dağlarda qarın az olması ilə də əlaqələndirir. Kür çayında suyun səviyyəsinin normadan artıq aşağı düşməsi sahilboyu tuğay meşələrinə də təsirsiz ötüşməyib. Belə ki, artıq bir çox sahil boyunda yulğun kollarının quruması müşahidə olunur. Bir sözlə Kürün səviyyəsinin kəskin şəkildə azalması təkcə əhali üçün yox, həm də fauna və floraya da mənfi təsir etməkdədir.
Sinxron
Arif Balakisiyev Gun TV Salyan

Çəkdiklərinizi bizə göndərin ► +994 70 894 02 03 (whatsapp)

Facebook səhifəsi ►https://www.facebook.com/G%C3%BCn-TV-...
Digər videolarımız ►https://www.youtube.com/channel/UCMR1...
E-mail ►guntv.az@gmail.com

Видео Kür çayı quruyur канала Gün Tv