Ақтөбеде мал бағатын ұлтарақтай жер таппай қиналған ауыл тұрғындары бас көтерді

Ақтөбеде мал бағатын ұлтарақтай жер таппай қиналған ауыл тұрғындары бас көтерді. Жергілікті халық әкімдіктегілер ауыл маңындағы жайылым жерлерді түгелдей топырақ қазумен айналысатын кәсіпкерлерге сатып, елдің рұқсатынсыз үлестіріп жіберген деп отыр. Тұрғындар жергілікті билік бұл басссыздықты дереу тоқтатпаса, карьердің жолып жауып, мәселені өздері шешпекші.
Ақтөбе іргесіндегі Өрлеу ауылдың тұрғындары қорадағы малын бағатын жер таппай, қиналып отырғандарын айтады. Жаз шыққалы ауыл маңындағы жазық дала жайылымға емес, карьерге айналыпты. Қазір бұл ауылдың айналысында бір емес жеті карьер бар екен. Биыл оған тағы біреуі қосылған. Соның кесірінен тұрғындар тіпті ауылда балаларымыз ойнайтын жер, демалатын таза ауа да қалмады деп отыр.
АСАН СИҚОВ, тұрғын:
– Міне көріп тұрсыздар. Үйіміздің қасына дейін қазып жатыр. Бұған кім рұқсат берді? Осындай жерден карьер ашуға бола ма, жоқ па? Біз тұншығып отырмыз. Далаға шыға алмаймыз. Мына шаңнан, Камаздардан балаларымызды далаға шығара алмай отырмыз. Көк шаң.
ДАРИЯ ТӨРЕМҰРАТОВА, тұрғын:
– Үлкен кісілер мал ұстағылары келеді. Жайылым жоқ. Бақташы шыққанымен оның қарай алмаймыз дейді. Міне қараңыздар, бәрін қазып тастаған. Не істеуге болады? Суға келе алмайды. Біздің жан-жағымызды қазбасын. Кетсін. Халықтан рұқсат сұрамағаннан кейін қазуға болмайды. Ана жақтың бәрін алып болды. Мына жақты болды. Енді мына жерге түсіп отыр. балаларымыз қайда барып ойнайды?
Осылайша жерімізді карьерге бермейміз деп бас көтерген өрлеуліктер ауылдарына бүгін әкімдік өкілдерінен бастап экологтарға дейін шақыртыпты. Олар қазба жұмыстарын биыл бастаған кәсіпкердің ісіне наразы. Алайда халықты шулатқан кәсіпкер жерді осыдан он жыл бұрын сатып алғанын айтады. Сөзінше, ол кезде халықтан рұқсат алу деген тіпті болмаған.
МЕДЕТ МОМЫНЖАНОВ, «ПГС Ақтөбе» ЖШС өкілі:
– Қазір енді не деп аламыз рұқсатты? Заң бойынша ешкім сұраған жоқ. Егер заң бойынша талап етсе бірінші халықтан рұқсат сұраңдар, содан кейін қазу жұмыстарына кірісесіңдер десе сол кезде алуға болар еді.
Ал әкімдіктегілер жер қойнауын пайдалану жұмыстарына телімді бөліп беретін біз емес, облыстық индустриялық- инновациялық даму басқармасы деп бастарын алып қашып отыр. Ал мекеме мамандары кәсіпкер он жыл бұрын алған рұқсатпен қазір де жұмыс жасай бере алатынын айтады. Шенділер болса халық қарсы шыққан кәсіпкердің құжаттарын бүгін тексереміз деп уәде етті.
ӘМІРЖАН ОРАЗҒАЛИЕВ, Ақтөбе қаласы Алматы ауданының әкімі:
– Егер осы компания жер қойнауын пайдалану үшін алған құжаттары дұрыс болмаса, сараптамадан өтпесе ол жөнінде біз ұсыныс береміз. Жұмысты тоқтатуға.
– Қазір білмейсіздер ме?
– Енді Алматы ауданы әкімдігінің құзыретіне жер қойнауын пайдалануға рұқсат беру кірмейді.
Ал тұрғындар жергілікті билік кәсіпкерлерге халықтың рұқсатынсыз жерді бөліп беруін тоқтатпаса, карьерге баратын жолды жабамыз деп бекініп отыр.
.
.
.
.
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#информбюро #басты_жаңалықтар

Видео Ақтөбеде мал бағатын ұлтарақтай жер таппай қиналған ауыл тұрғындары бас көтерді канала Информбюро 31