Әлеуметтік жәрдемақылар тоқтатылмайды

Қазір әлеуметтік желіде төтенше жағдайға байланысты әлеуметтік жәрдемақылар беру тоқтатылып, қаржы басқа мақсаттарға бағытталады екен деген жалған ақпараттар тарап кетті. Бұған сенбеңіздер, дейді облыстық жұмыспен қамтуды үйлестіру және әлеуметтік бағдарламалар басқармасының басшысы Бұлбұл Елеусінова. Керісінше, төтенше жағдай аяқталғанша мұқтаж отбасыларға мемлекеттен қосымша ақшалай көмек көрсетіледі. Облыста жекелеген санаттарға әлеуметтік жәрдемақы төлеу тоқтатылмайды. Жыл басынан бері 4 мың 637 отбасыға 514 миллион теңгеге әлеуметтік көмек тағайындалған. Соның 322 миллион теңгесі төленді. Наурыз айына атаулы әлеуметтік көмекті 10-шы сәуірге дейін төлеу жоспарланған. Ал кепілдендірілген әлеуметтік пакет пен гигиеналық құралдарды аудан, ауылдардағы жанұялар толық алып болған. Қалада Алматы мен Астана аудандарында көмекті үлестіру әлі жалғасып жатыр. Керісінше, төтенше жағдай кезінде мұқтаж отбасыларға мемлекеттен ақшалай көмек көрсетіледі. Атаулы әлеуметтік көмек алып жүрген, оның ішінде көпбалалы отбасылардың 6-дан 18 жасқа дейінгі әр баласына республикалық бюджеттен 5 мың 647 теңгеден жәрдемақы беріледі. Біздің облыста карантин жарияланған жоқ. Ал, егер карантин жарияланатын болса, атаулы әлеуметтік көмек алатын отбасылардың ересек мүшелеріне, оның ішінде көпбалалы отбасыларға, 1 және 2-ші топтағы мүгедектерге, мүгедек балаларға, мүгедек бала бағып отырған ата-анаға 5647 теңгеден беріледі. Бұл да республикалық бюджеттен. Ал төтенше жағдай кезінде жергілікті бюджет есебінен 20 мың теңгеден көмекті сәуір айынан бастап 1-2-топтағы мүгедектер, 16 жасқа дейінгі мүгедек балалар, мүгедек бала бағып отырған ата-аналар, жалғызілікті қариялар, қатерлі ісік, туберкулез, ВИЧ-ке шалдыққан науқастар, тұрмысы төмен отбасылар алады. Төтенше жағдай жойылған уақытта, осыған деп бағытталған жәрдемақылар да тоқтатылады.

Сайт телеканала http://www.rikatv.kz/
Twitter https://twitter.com/rika_kz
Вконтакте https://vk.com/rikatv

Видео Әлеуметтік жәрдемақылар тоқтатылмайды канала РИКА ТВ