“Kombi të thërret përgjigju”, Marin Mema u përgjigjet me dy fjalë thirrjeve për drejtim të protestës

Historiani dhe gazetari i njohur Marin Mema ka reaguar ndaj komenteve të ndjekësve në Instagram, ku disa protestues i kanë kërkuar të marrë një rol drejtues në protestat qytetare.

Në një postim të fundit, një komentues i shkruan: “Marin Mema kombi të thërret përgjigju”, duke i bërë thirrje që të dalë në krye të lëvizjes protestuese.

Mema iu përgjigj publikisht duke theksuar se angazhimi i tij është për kauzën dhe jo për protagonizëm personal.

“Aty jam çdo ditë në fushë, për ekipin, jo për vete! Duhet ekipi të jetë i fortë!”, shkroi ai.

Në një tjetër koment, një ndjekës e cilësoi atë si patriot dhe i kërkoi të marrë guximin për të dalë në krye të protestës. Marin Mema iu përgjigj duke theksuar se nuk ka nevojë të reklamojë angazhimin e tij.

“Në fakt nuk kam nevojë që… e tregoj e dëshmoj me fakte!”, shkroi ai, duke lënë të kuptohet se veprimet e tij flasin më shumë se deklaratat.

Reagimet e Memës kanë ngjallur diskutime të shumta në rrjetet sociale, ku një pjesë e qytetarëve e shohin atë si një figurë me ndikim publik, ndërsa vetë ai duket se insiston te rëndësia e punës kolektive dhe jo e udhëheqjes individuale.

Видео “Kombi të thërret përgjigju”, Marin Mema u përgjigjet me dy fjalë thirrjeve për drejtim të protestës канала Dardan News