BBC me zbulim të rëndë: Rusia ishte pas sulmeve me zjarrvënie që synonin kryeministrin britanik

Edhe pasi Roman Lavrynovych, i dënuar të hënën për komplot për zjarrvënie të qëllimshme, i vuri flakën shtëpisë së kryeministrit britanik Sir Keir Starmer, ai dukej se dinte po aq pak për kryeministrin sa një plumb për shënjestrën e tij, shkruan BBC.

Personi anonim që e drejtonte, i njohur me inicialet EL, i dha një të dhënë në një mesazh: “Shiko, ti sulmove shtëpinë e një personi shumë të rëndësishëm në Britani. Do të të dërgoj para, duhet të largohesh nga qyteti.”

Por ishte tepër vonë: Lavrynovych u arrestua brenda pak orësh.

Ndërtuesi 22-vjeçar ukrainas ishte shfrytëzuar si mjet për të goditur kreun e qeverisë britanike. Por nga kush?

Hetimi i BBC ka zbuluar se sulmi me zjarrvënie ishte vetëm një pjesë e një fushate të gjerë sabotimi, provokimesh dhe dezinformimi që çon deri te shteti rus.

Personi me inicialet EL, i cili drejtonte Lavrynovychin, i kishte ofruar atij shtetësi ruse në këmbim të kryerjes së sulmeve të tjera dhe kishte lavdëruar presidentin Vladimir Putin, tregojnë mesazhet që BBC ka siguruar.

Ne kemi identifikuar prova që sugjerojnë se EL është diplomat i ri rus, i trajnuar në luftën e informacionit nga spiunë dhe propagandistë, i cili ka lidhje të afërta me nivelet më të larta të pushtetit në Moskë. Emri i tij është Evgeny Lyukshin. Ai është 23 vjeç dhe djali i një zyrtari të lartë.

Sipas gjetjeve të BBC, operativët rusë e kanë drejtuar nga distanca fushatën e sabotimit dhe provokimit përmes rrjeteve sociale dhe aplikacionit Telegram, duke krijuar grupe të rreme të ekstremit të djathtë dhe grupe që paraqiteshin si myslimane. Këto grupe janë përdorur për të organizuar akte vandalizmi në Mbretërinë e Bashkuar dhe për të nxitur përçarje, frikë dhe tensione në shoqëri.

Видео BBC me zbulim të rëndë: Rusia ishte pas sulmeve me zjarrvënie që synonin kryeministrin britanik канала Dardan News