Yeni İlham və Fərizə dastanı: Vətənin şəhid sevgililəri Mehdi və Mələk Cənnətdə qovuşdular

Tərtərin Sarıcalı kəndindəyik. Bu kənd vətənini işğalçılıq məqsədilə torpaqlarmıza soxulan ermənilərin qarşısına mərdanə çıxan Mehdi Elçin oğlu Məmmədovun kəndidir. Əsrlər boyu dahilərimizin əsərlərində yaratdığı fantastik məhəbbəti Mehdi ilə nişanlısı Mələk Səfərova reallığa çeviriblər. Qəhrəmanımız həyatın mənasını vətənə qurban getməkdə gördü – nişanlısı da onsuz həyatda qalmadı. Vətənə olan məhəbbəti Mehdini min-bir əziyyətlə boya-başa çatdırmış anasından xəbərsiz könüllü olaraq vətənə xidmətə səsləmişdi.
Anası Laləzər Məmmədova elə bunu deyir – Mehdi məni yox, vətəni seçdi.
Mehdi Məmmədov Suqovuşan uğrunda gedən döyüşlərdə şəhidlik zirvəsinə qalxıb, şəhidlik şərbətini dadıb. Vətən uğrunda şəhid olaraq doğma Sarıcalıya çatandan az sonra Mələk də həyatla könüllü şəkildə vidalaşıb. Valideynlərindən bağışlanmasını rica etdiyi məktubunu yazmaqla həyatdan köçüb.
Mələk Səfərovanın yaxın qohumu Nizami İsmayıl deyir ki, “Biz yaşayırıq ölmək üçün, şəhidlər ölür yaşamaq üçün”.

Bu gün Sarıcalı məzarlığında Mehdi ilə Mələk yan-yana uyuyur. Vətən torpağı onları əbədi olaraq qoynuna alıb. Bu cavanlar sevgi istisinə isinə bilməsələr də, milyonlarla insanımızın xoşbəxt, azad yaşaması üçün şəhidlik zirvəsiə ucala biliblər.

Kanala abonə ol : https://www.youtube.com/TVmusavat
Email: Musavat777@gmail.com

Kanala baxdığınız üçün təşəkkürlər

Видео Yeni İlham və Fərizə dastanı: Vətənin şəhid sevgililəri Mehdi və Mələk Cənnətdə qovuşdular канала TV Musavat