ЕКЕУІ ЕЛДЕН ҚАШТЫ!

Бәріңізге Ассалаумағалейкум

Цойдан гөрі, қойдың көмегін көп көріп жатқан қарапайым қазағымның бүгінгі жағдайы қалай? Ковидке бөлінген қаржы, көк иттердің қалтасында кеткені қаншалықты рас?!
Халыққа 10 млн АҚШ долларын таратқан Тимур Құлыбаев деген шынтуайтында кім? Мұхтар Тайжан мұртынан күлген шенеуніктерге не үшін шүйлікті?  Қатынына он екі машина алып беріп, артын ашып алған мал шашпақ туралы не дейміз? 12 миллион доллар қайда кетті? Бұл сұрақтардың жауабын сізге Білген дұрыс!

Сөзімнің басында айтарым:
Жемқорлықпен қарсы күрес жүргізетін құзырлы органдар! Аквариумдегі балықты аулап, қайта-қайта қармақтарыңды шошайта бермей теңіздегі акуланы ауласаңдаршы. Әй, бірақ акулалар су түбіне өздеріңді бірге батырып жіберетінін біліп, ауыз жалаласасыңдар ғой. 100 мың теңгемен ұсталғандардың жегенін желкесінен шығарасыңдар да, миллиондап жеген миллиардерлер мен олигархтардың дегендерінен шыға алмайсыңдар. Әй қуырдақбастар-ай

Не ішемін, не жеймін? Қалай сием, қалай тышам? Қалай күн көріп, бала-шағамды қалай асыраймын? Жо, жоқ. Бұл олигархтардың ауызынан мүлде шықпайтын сөз. Біздегі Қазақстандық олигархтар көзімізге қалай елестейді? Шетелде қос-қостан үйі мен жайы, көлігі мен ірі бизнестері және қатын-қалашы бар мырзажігіт. Бұлардың қатын-қалаштарының өзі кукла Маша ғой шіркін. Балалары әлемнің ең мықты университеттерін де білім алса да, ғылым мен білімнен оқыған-тоқыған болса да дүбәра, Отанға деген махаббаты, халыққа деген мейірімі жоқ құр қаңқа. Ал енді мұрнымызды шұқылап, малтамызды езбей бірден мысалға көшейік.

Ербол Мәндібек атты бауырымыз, өзінің бір сөзінде:

42 500-ге қай жыртығыңды жамайсың, айналайын Үкімет қалай-қалай санайсың? Ол туралы кейінірек. Тимур Құлыбаев 3 млрд АҚШ доллары. Болат Өтемұратов 3 млрд. Владимир Ким 4 млрд, Александр Машкевич 4 млрд. Төртеуінің байлығын теңгелесең триллиондар шығады. Осы сабаздардың ең құрығында біреуі бір нәрсе ойлап тауып па? Әрине жоқ. Мәселен, Билл Гейтс Microsoft-пен байыды. Әйгілі өнертапқыш Стив Джобс мобилді гаджеттің атасы атанды. Джек Ма интернет қойма ойлап тапты. Марк Цукерберг, Джефф Безос, Уоррен Баффет, Ларри Эллисон, Джим Уолтон осылардың бәрі өз еңбегімен байыған адамдар. Өз жерінің, өз елінің байлығын сыртқа сатпаған. Керісінше, ойлап тапқан өнімін жер жаһанның бәріне саудалап, біз сияқты аңқау елдерді алдап-сулап, Патох, Машкевич, Ким сияқты кісілермен келісіп өзге елдің байлығын өзіне тасыған нағыз патриоттар. Әрқайсы әйтеуір бірдеңке ойлап тауып, соны дамытып өз мемлекетінің тұтас тіреушісіне айналған. Ең қызығы Қазақстан 30 жыл бойы мұнайды, мырышты, алтынды, күмісті әйтеуір жердің астымен үстіндегі бардың бәрін сатып әлгілердің жиған байлығына жеткізе алмаппыз. Мысалы бір ғана Джефф Безостың қазіргі байлығы 113 млрд АҚШ долларынан асады. Қазақстанның 30 жыл бойы ұлттық қорға жиғаны 60 млрд долларға да жетпейді. Неге кредитімізді жаппайды, не үшін бәрі қымбат, неге өйтпейді, неге сөйтпейді деген сауалдарға простой жауап осы. Барында батып ішкен мұнайдың да құны қазір көк тиын. Экономикадағы ең өкініштісі, бұтымызға киетін дамбалдың өзін өндіре алмағанымыз. Елдің арасынан ең бейшарасын іріктеп алып тамаққа талғажу қыл деп 42 500 теңге төлейтініміз де сондықтан. Көрмегенді көріп, індеттен өліп, демалатын баллон, емделетін талон таппай тілін тістеген халықтың нервісі не деген мықты ә? Тимурға, Болатқа, Кимге, Патохқа, Сашаға өкпелеуге болмайды. Өйткені олар күллі халықтың алдында жауапкершілікті мойнына алған Үкіметтің өкілі емес. Саудасы сақал сипағанша жүретін тап-таза сатармандар. Халықтың зарын емес, нарықтың заңын аңдығандар. Осылардың шикі затты сатып шексіз баюына мүмкіндік берген билік пен бұқара бірдей кінәліміз. Демігіп дәрі, иттей болып ИВЛ іздеп, ақырында Өзбекстан, Ресей, Араб, Қытай секілді бірнеше елден сарыла гуманитарлық көмек күттік.     Жұмысы жоқ, банкке белшеден қарыз халық бұған балаша қуанбағанда қайтеді енді???

Жалпы димда-е, Тимур Құлыбаев Жомарттылығына күмәнмен қарайтыным қандай жаман!

Тимур Құлыбаевты танымайтын адам жоқ шығар. Алдымен ол Назарбаевтың күйеу баласы, Динараның күйеуі, Марқұм Рахат Әлиевтың бажасы. Шырт түкіріп отырған ірі бизнесмен. Жалғыз атын мінгізер атымтай Жомарт десем артық шығар сірә. Бұл байекең бұнан бұрында өзінің ақкөңілділігін танытып, Арыс жарылып астаң кестең болып жатқанда Қайрат Боранбаевпен бірігіп 1 млрд қаржысын аударыпты-мыс. Пай-пай, ардағым-ай.
Толығырақ видеода...

Видео ЕКЕУІ ЕЛДЕН ҚАШТЫ! канала BILGEN DURYS