وزیرستان میں فور جی سروس کھولنے کا اعلان، وزیراعظم عمران خان کا کامیاب جوان پروگرام کی تقریب سے خطاب

وزیراعظم عمران خان نے آج سے وزیرستان میں تھری جی اور فور جی سروس بحال کرنے کا اعلان کرتے ہوئے کہا کہ نوجوانوں کی یہ جائز ڈیمانڈ ہے اس سے تعلیم کو بھی فروغ ملے گا۔

وزیراعظم عمران خان نے کامیاب جوان پروگرام کی تقریب سے خطاب کرتے ہوئے کہا وزیراعظم بننےسے 30 سال پہلے پہلی بار وانا آیا تھا اور وزیراعظم بننے کے بعد اورانتخابی مہم کے دوران بھی آیا تھا۔

وزیراعظم کا کہنا تھا کہ پیچھے رہ جانیوالے لوگ اور علاقوں کو اوپرلانا حکومت کا فلسفہ ہے، الیکشن میں جو لوگ وعدے کرتے ہیں وہ وعدے کرنے نہیں آیا، غریب طبقے کو اوپر لانے کیلئے پورا زور لگانا ہے۔

عمران خان نے کہا کہ تعلیم کیساتھ اسکالرشپس دیں گے، اسکول، کالج، یونیورستی بنائیں گے، قبائلی علاقوں کیلئے ٹیکنیکل کالج تعمیر کریں گے، خوشی ہے وانا کے نوجوان بھی نمل یونیورسٹی میں پڑھتے ہیں۔

ان کا کہنا تھا کہ ہماری سب سے بڑی طاقت ہمارے نوجوان ہیں، نوجوانوں کو ہنرمند بنائیں اچھی تعلیم دیں تو وہ ملک کو اوپر لیکرجائے گا، تعلیم کے بعد سب سے بڑا چیلنج روزگار کا ہے، پچھلے 15 سال میں دہشت گردی سے سب سے زیادہ تباہی وانا میں ہوئی، جنوبی وزیرستان میں نوجوانوں کو روزگار دینے کی سب سے زیادہ ضرورت ہے۔

وزیراعظم نے مزید کہا کہ کامیاب جوان پروگرام صرف شروعات ہے، ہماری کوشش ہے قبائلی علاقوں اور بلوچستان کیلئے پورا زور لگائیں، وزیرستان میں دہشت گردی سے سب سے زیادہ تباہی مچی تھی، پوری کوشش ہوگی وزیرستان کے نوجوانوں کو روزگار فراہم کریں۔

عمران خان کا کہنا تھا کہ وزیرستان کے لوگوں نے انگریز سے آزادی کیلئے سب سے زیادہ قربانیاں دیں، انگریز بھی سب سے زیادہ یہاں مرے، کشمیریوں کی آزادی کیلئے لڑنے یہاں سے بھی لوگ گئے تھے، وزیرستان کی تاریخ کا لوگوں کو زیادہ اندازہ نہیں ہے، 1965 کی جنگ میں بھی یہاں سے بڑے لشکر گئے تھے، وزیرستان کے لوگوں کے ملک کیلئے جذبے سے واقف ہوں۔

قبائلی علاقوں کے ضم کے حوالے سے انھوں نے کہا کہ قبائلی علاقوں کا کے پی سے ضم ہونا بہت مشکل کام تھا، قبائلی علاقوں کےضم ہونے پر انتشار پھیلانے کی کوشش کی گئی، قبائلی علاقوں کا کے پی سے ضم کامیاب بنانے پر آپ کو خراج تحسین پیش کرتا ہوں۔

PM Imran Khan announces opening of 3G and 4G service in South Waziristan | Prime Minister Imran Khan Speech today
Capital TV is one of the leading news channels of Pakistan bringing you the latest current affairs from Pakistan and around the world.

Subscribe to the Official Capital TV YouTube Channel: https://www.youtube.com/c/CapitalTVLive

Like us on Facebook: https://www.facebook.com/CapitalTV.PK

Follow Us on Twitter: https://twitter.com/CTV_Digital

#CapitalTVPk #CapitalNews #Pakistan

Видео وزیرستان میں فور جی سروس کھولنے کا اعلان، وزیراعظم عمران خان کا کامیاب جوان پروگرام کی تقریب سے خطاب канала Capital TV