Атырау балықшылары екі айдан бері маңдайақы айлықтарын ала алмай сабылып жүр

Атырауда екі айдан бері еңбекақыларын ала алмай жүрген жүздеген жұмысшы компанияның қақпасын күзетіп жүр. Олар - аймақтағы ең ірі балық шаруашылығымен айналысатын «Амангелді» жауапкершілігі шектеулі серіктестігінің балықшылары. Кәсіпорын басшылары пандемия салдарынан табысымыз құлдырады дейді. Оған қоса күзгі маусымда Жайықта балық тым аз болды деп ақталып отыр.
Екі айлық еңбекақыларын талап еткен жұмысшылардың балықпен айналысатын компания қақпасын күзетіп жүргендеріне үш апта өтіпті. Бала-шағамыздың ас-суы мен несие жанымызға батты десе, тіпті, біразы жалдамалы пәтеріміздің ақысын төлей алмай жүрміз деп қынжылады.
ӘДІЛЕТ БАЙМҰХАНОВ, жұмысшы:
– Аяғымыз тозды. Квартирамыздың ақшасы бар, балаларымыз бар. Пандемия дейді, ешқайда жұмыс алмайды. Осы ақшаға қарап күтіп отырмыз. Күнде келетініміз бір әңгіме, осылай күнде келеміз кетеміз жаурап
МАРАТ БАЙЖАНОВ, жұмысшы:
– Октябрьдің ақшасын ноябрьде алуымыз керек қой. Берген жоқ. Күтіңдер, шыдаңдар деді. Күттік, шыдадық жоқ. Ноябрьдің 24 кешкі алтыда келіп сокращение, сендер жұмыстан қысқартылып жатсыңдар деп айтып тұр. Енді зарплата сұрасақ үшінші күн, бесінші күн дейді, бүгін де келіп тұрмыз. Нақты жауабын айтып тұрған жоқ.
«Амангелді» балық шаруашылығынан еңбекақысын ала алмай жүрген жүздеген жұмысшы бар. Дені аудан тұрғындары екен. Ал кәсіпорын басшылары бұған пандемия әсер етті дейді. Өнімдерін экспортқа да шығара алмағандарын айтады. Оның үстіне биылғы күзгі маусымда Жайықта балық тым аз болды деп отыр.
СӘБИТ САҒИДУЛЛИН, «АМАНГЕЛДІ» ЖШС директоры:
– Пандемияның салдарына балық та дұрыс болмады. Жайықта су жоқ. Біздер енді попривычке жұмысшыларды жинадық. Бірақ балық болған жоқ. Түскен балық 25-26% ауладық. 0,04,38/ Бұл жұмысшылардың мәселесін түсініп отырмыз. Ештеңеден қашып отырған жоқпыз. Зарплаталарын береміз. Қазіргі уақытта компания кредит алып жатыр.
Компания қарыздарын өтеу үшін балық зауыттарының бірін кепілдікке қойып, несие алып жатқандары айтты. Ақша түскен бойда жұмысшылардың еңбегін береміз деп уәде етті.
Жанат Молдашова, Фархат Тәжібаев
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

Видео Атырау балықшылары екі айдан бері маңдайақы айлықтарын ала алмай сабылып жүр канала Информбюро 31