«Կիրակնօրյա վերլուծական Թամրազյանի հետ», 17-ը նոյեմբերի, 2019

Այսօր՝ «Կիրակնօրյա վերլուծականի» եթերում.

• Մարտի 1-ի գործով ամբաստանյալ Ռոբերտ Քոչարյանի փաստաբանները համոզված են՝ դատավոր Աննա Դանիբեկյանը կանխակալ վերաբերմունք ունի Քոչարյանի նկատմամբ։ Դատական նիստն այս շաբաթ սկսվեց պաշտպանական կողմի հերթական միջնորդությամբ: Թեմայի շուրջ զրուցել ենք Ռոբերտ Քոչարյանի պաշտպան Հովհաննես Խուդոյանի հետ:

• Այս շաբաթ Երևանում էր Ռուսաստանի արտաքին գործերի նախարար Սերգեյ Լավրովը: Ռուսաստանի թիվ մեկ դիվանագետը կարևոր հայտարարություններ արեց Լեռնային Ղարաբաղի խնդրի կարգավորման վերաբերյալ:

• Հաղորդման հյուրն է Հանրային խորհրդի անդամ, քաղաքագետ Ստյոպա Սաֆարյանը։

• Կառավարությունը հավանություն տվեց Սահմանադրական դատարանի դատավորների վաղ կենսաթոշակային համակարգի ներդրման մասին օրենսդրական նախագծին։ Թեմայի շուրջ զրուցել ենք Սահմանադրական դատարանի անդամ Ալվինա Գյուլումյանի հետ: Նա կառավարության նախագիծն անընդունելի է համարում:

• Բարձրագույն դատական խորհրդի անդամ Հայկ Հովհաննիսյանը շաբաթվա սկզբին հրաժարականի դիմում ներկայացրեց և ժամեր անց մտափոխվեց: Հայկ Հովհաննիսյանի հետ զրուցել ենք իր հրաժարականի պատճառների և իրավական ոլորտում սպասվող փոփոխությունների մասին:

• Վարչապետ Նիկոլ Փաշինյանը խորհրդարանի ամբիոնից անդրադարձավ Եվրոպայի ծանրամարտի չեմպիոն Մել Դալուզյանի դեմ սկսված պայքարին։ Դաշնակցականները վարչապետին հակադարձեցին՝ պարզաբանելով, թե Մել Դալուզյան անձի դեմ չեն պայքարում, այլ միասեռականի մասին ֆիլմի պետական ֆինանսավորմանն են դեմ:

• Օտարերկրացիները Հայաստանում տարիներ շարունակ երեխաներ են որդեգրել օրենքի խախտմամբ: Ազգային անվտանգության ծառայության բացահայտումը:

• Եվրո-2020-ի ընտրական մրցաշարի նախավերջին տուրում Երևանում Հայաստանի ֆուտբոլի ազգային հավաքականը 0:1 հաշվով պարտվեց Հունաստանի թիմին: Հայաստանի հավաքականը նոր մարզիչ ունի:

Հաղորդումը վարում է Հրայր Թամրազյանը:

Դիտեք 20:00-ին, Ազատություն TV-ի եթերում՝ Ucom ցանցի 222 ալիքով, http://tv.azatutyun.am/ հասցեով կամ մեր ֆեյսբուքյան և յութուբյան էջերով:

Видео «Կիրակնօրյա վերլուծական Թամրազյանի հետ», 17-ը նոյեմբերի, 2019 канала Ազատություն