Şiələr Niyə Güclüdürlər? - Usama Əbdülğani

Bizi sosial mediada izləyin:
Facebook: https://m.facebook.com/Qirilmaz.ip/
İnstagram: https://www.instagram.com/qirilmaz.ip/

Mənbə:
https://m.youtube.com/watch?v=urn5zmLRqtU

Arxa fon musiqisi:
https://m.youtube.com/watch?v=Y5udGLuNkPo

Mətn: Şiələr Niyə Güclüdürlər? - Şeyx Usama Əbdülğani

Üç şey vardır ki, şiələri güclü edir. Şiələri güclü edən birinci səbəb onların İmam Hüseynə (ə) olan məhəbbətidir. İmam Hüseynə (ə) olan məhəbbət insanı onun daxili düşməni olan nəfsə və xarici düşmənə qarşı tamamilə qorxusuz edir. İmam Hüseyn (ə) Allah yolunda hər şeyindən keçdi. Bizə görə qarşılıq gözləmədən, cəmiyyəti islah etməyə çalışmaq Allah yolunda edə biləcəyimiz ən kiçik bir işdir. Allah yolunda hər şeyimizi fəda etməyə hazırıq. Amma iş burasındadır ki, bəzi insanlar və bəzi qüvvələr İmam Hüseynə (ə) olan münasibətimizi dəyişmək və bizi səhv yola yönəltmək istəyirlər. Onlar bizim İmam Hüseynə (ə) olan münasibətimizi eyni ilə xristianların Hz.İsaya olan münasibəti kimi etmək istəyirlər. Belə ki, İmam Hüseyni (ə) xilaskar kimi görək. İnsanlara bu fikri yeridirlər: “Etməli olduğunuz tək şey İmam Hüseynə (ə) ağlamaqdır. Bunu etsəniz amanda olacaqsınız.” Sizi bilmirəm, amma bu cahillikdir. Allahın 99 adı var. Amma onların arasında “cahil” adı yoxdur. Əgər təqvanız olmasa, cəhənnəm atəşində qərq olacaqsınız. Çünki cəhənnəm elə bunun üçündür. Bizim gərək təməl təqvamız olsun. Və buna görə də, əgər insanlar İmam Hüseyn (ə) məfhumunu düzgün anlasalar, onlar güclü olarlar.
Şiələri güclü edən ikinci şey onların 12-ci İmamın (ə.f) zühurunun intizarında olmalarıdır. Vəziyyətin nə qədər pis olmasından asılı olmayaraq, biz heç vaxt ümidimizi itirmirik. Digər insanlar maddi vəziyyət, depresiya, xəstəlik və bunun kimi bir çox şey haqda fikir edirlər. Amma şiələr rahat oturub səbr edirlər. Çünki bilirlər ki, hər şey yaxşı olacaq. Bəli, bəzi çətinliklərimiz var. Bəli, boynumuzda bəzi vəzifələrimiz var. Amma biz heç bir şeyə görə narahat deyilik. Çünki hər şeyin yaxşı olacağına inanırıq.
Şiələri güclü edən üçüncü şey odur ki, onlar Mərcəiyyəti qəbul edirlər. Onlar mərcəni qəbul edirlər. Biz Əhli-beyt (ə) tərəfindən izah olunan xüsusiyyətlərə malik bu insanlara təqlid etməliyik. Və bizim üçün bu şəxslərin sözü Allahın sözüdür. Bu o deməkdir ki, bizim vəhdətimiz var. Bəzi qüvvələr mərcelərə təqlid məsələsində cavanlarda şübhə yaratmağa çalışırlar ki, mərcelərə təqlid olunmasın. Amma əgər sən 12-ci İmamın əsgərlərindən biri olmaq istəyirsənsə təqlid etməlisən və vacibatı yerinə yetirməlisən.

Видео Şiələr Niyə Güclüdürlər? - Usama Əbdülğani канала Qırılmaz İp