Sərhədçilər və Əsgərlər Üçün Dua | İmam Səccad (ə)

Bizi sosial mediada izləyin:
Facebook: https://m.facebook.com/Qirilmaz.ip/
İnstagram: https://www.instagram.com/qirilmaz.ip/
Telegram: https://t.me/qirilmazip

Mətn: Sərhədçilər və Əsgərlər Üçün Dua | İmam Səccad (ə)

Bağışlayan və mehriban Allaın adıyla. İlahi, Məhəmməd və onun Əhli-beytinə salavat göndər və izzətinlə müsəlmanların sərhədlərini qoru. Qüvvənlə sərhədçilərə yardım et və sonsuz qüdrətinlə onlara bəxş etdiyin nemətləri artır.
İlahi, Məhəmməd və onun Əhli-beytinə salavat göndər və onların (sərhədçilərin) sayını çoxalt, silahlarını iti et, yerləşdikləri əraziləri mühafizə et, qoruduqları ərazini toxunulmaz et, qəlblərinə ülfət bəxş et, işlərini avand et, azuqələrini arasıkəsilmədən onlara yetir, ehtiyaclarını ödə, köməyinlə onları güvvətləndir, səbrinlə onlara kömək ol və onlara düzgün həll yollarını öyrət.
İlahi, Məhəmməd və onun Əhli-beytinə salavat göndər və onlara bilmədiklərini öyrət, agah olmadıqları şeyi agah et və dərk etmədiklərini başa sal.
İlahi, Məhəmməd və onun Əhli-beytinə salavat göndər və düşmənlə üzləşdikləri vaxt bu məftunedici dünyanı düşünməyi onların yadından çıxart, Cənnəti onların gözünün önünə gətir və Cənnətdə hazırladığın əbədi məskənləri, kəramət mənzillərini, gözəl üzlü huriləri, rəngarəng suyu olan axar çayları və çeşidli meyvələri olan ağacları onların gözü önündə canlandır. Beləcə, onlardan heç biri düşmənə arxa çevirməsin və qaçmaq fikrinə düşməsin.
İlahi, bu yolla onların düşmənlərini məhv et və düşmənlərin əlini onlardan üz. Düşmənləri ilə silahları arasında ayrılıq sal, ürəklərinə müsəlmanların qorxusunu sal, onlarla səfər azuqələri arasında ayrılıq sal, onları tutduqları yollarda sərgərdan et və onları məqsədlərindən yayındır. Köməkliyi onlardan kəs, onların sayını azalt və ürəklərini qorxu ilə doldur. Onların əllərini açmağa qoyma və danışan dillərini lal ət. Onları məğlub etməklə köməyə gələn qüvvələri pərakəndə sal və onları döyüşü davam etdirməkdən çəkindir. Onları zəlil etməklə davamçılarının tamahını kəs.
İlahi, onların qadınlarını qısır və kişilərini sonsuz et, mal-qaralarının nəslini kəs, səmaya yağış yağdırmaq və yerə bitki bitirmək izni vermə.
İlahi, bu yolla İslam əhlini daha da qüdvvətləndir, şəhərlərini qoru, mal-dövlətini artır, Sənə ibadət etmək və Səninlə raz-niyaz etmək üçün fikirlərini düşmənlə döyüşməkdən asudə et. Beləliklə, yer üzündə yalnız Sənə ibadət olunsun və yer əhlindən heç kim Səndən qeyrisi qarşısında alnını torpağa qoymasın.
İlahi, hər bir məntəqədə yaşayan müsəlmanları onlara qarşı çıxan müşriklərlə müharibəyə ayağa qaldır və Sənin tərəfindən göndərilən öndə gedən dəstə mələklərinlə onlara köməklik göstər ki, düşmənləri uzaq yerlərə qovsunlar. Bir halda ki, onlar ya qətlə yetirilib müsəlmanlara əsir düşsünlər, ya da Sənin yeganəliyini və şərikinin olmadığını etiraf etsinlər.
İlahi, bu saydıqlarımı hər bir məntəqədə yaşayan düşmənlərinə - istər hindli olsun, istər rumlu, istər türk olsun, istər xəzərli, istər nubəli olsun, istər zənci, istər səqləbi olsun, istərsə deyləmi - ümumiyyətlə, adını bilmədiyimiz, lakin elmin və qüdrətin sayəsində xəbərdar olduğun digər müşrik ümmətlərə aid et.
İlahi, müşrikləri bir-birinə giriftar et ki, müsəlmanların sərhədlərinə təcavüz etməyə imkan tapmasınlar. Onların sayını azaltmaqla müsəlmanların sayını azaltmaqdan çəkindir. Onların arasında təfriqə salıb müsəlmanların əleyhinə birlikdən uzaq sal.
İlahi, onların qəlbləri heç vaxt aram olmasın və bədənləri taqətdən düşsün. Qəlblərini çarə tapmaqda qafil et və müsəlman kişilərlə döyüşdə əzalarını süstləşdir. İslam qəhrəmanları ilə döyüşməkdə qəlblərini qorxuya sal və Bədr döyüşündə etdiyin kimi onlara əzab yağdırmaq üçün bir qoşun mələyini onların üstünə göndər. Bununla da onların kökünü kəs, şan-şöhrətini apar və onları pərakəndə et. İçdikləri suya vəba xəstəliyi və yeməklərinə xəstəliklər sal. Şəhərlərini yerə batır, onları abadlıqdan uzaqlaşdır, çətinliyə sal və qəhətliyə və quraqlığa düçar et. Onların ruzilərini yararsız torpaqlarda və uzaq yerlərdə qərar ver. Onlara yerin qalalarına hakim olmağa mane ol və onları daim aclığa və acınacaqlı xəstəliyə düçar et.
İlahi, sənin dininin ucalması, qoşununun qüvvətlənməsi və dostlara bəxş etdiyin nemətlərin artması naminə müşriklərlə döyüşən hər bir müsəlman döyüşçünün və onlarla mübarizəyə qalxan hər bir mömin mücahidin işini asanlaşdır və sahmana sal, onu sevinc və şadlıqdan bəhrələndir, dünya şövqünü yatır, ona vəhşət qəmindən pənah ver, həyat yoldaşını və övladlarını xatırlamağı ona unutdur. Onun hər bir niyyətini yaxşı et, salamatlığını Öz öhdənə götür, salamatlığı onunla birgə et, onu qorxudan qoru və cürətləndir, qüvvətli olmağı ona əta et, köməklik göstərib onu öyrət, qərar çıxartmaq üçün doğru yolu ona göstər. Onu riyakarlıqdan və şan-şöhrət həvəsindən uzaqlaşdır.
(Duanın tam versiyası üçün linkə daxil olun: https://drive.google.com/file/d/1nFoN2wSGmDT_5iZ78dFkIDSvt177tjQF/view?usp=drivesdk)

Видео Sərhədçilər və Əsgərlər Üçün Dua | İmam Səccad (ə) канала Qırılmaz İp