Yekun xəbərlər 06.11.2020 (Xəbər Saatı) Laçından MÖHTƏŞƏM Xəbər gəldi !!

Ermənistan Müdafiə Nazirliyinin rəsmisi Artsrun Ovannisyan son açıqlamasında olduqca ilginc məqama toxunub.

“Yeni Sabah” xəbər verir ki, o, hər bir Azərbaycan əsgərinin üzərində dövlət bayrağının olduğunu bildirib.O etiraf edib ki, azərbaycanlı diversantlar Şuşada dövlət bayrağını ucalda bilərlər: “Azərbaycan hərbçilərinin Şuşa qalasının fonunda bayraq qaldıracaqlarını istisna etmirik”.
Başqa sözlə desək, Ovannisyan faktiki olaraq Şuşa uğrunda döyüşlərin məntiqi nəticəsinə öz auditoriyasını hazırlamağa çalışıb və iddia edib ki, elə foto-videolar görsəniz, inanmayın, çünki Azərbaycan əsgəri bayraq qaldırandan sonra, şəkil çəkərək, “çıxıb gedirlər”.
Noyabrın 5-i gün ərzində və 6-na keçən gecə Ermənistan silahlı qüvvələrinin bölmələri cəbhənin müxtəlif istiqamətlərində Azərbaycan Ordusu bölmələrinin mövqelərini və yaşayış məntəqələrimizi müxtəlif atıcı silahlar, top və minaatanlardan atəşə tutub.

Müdafiə Nazirliyindən “Yeni Sabah”a daxil olan xəbərdə bildirilir ki, döyüş əməliyyatları müxtəlif intensivliklə əsasən cəbhənin Ağdərə, Ağdam, Xocavənd və Qubadlı istiqamətlərində davam edib. Düşmən cəbhənin bəzi sahələrində şəxsi heyət və hərbi texnikada itkilər verərək geri çəkilməyə məcbur edilib.
Döyüş meydanında məğlub olan Ermənistan İran və Rusiyanı dəfələrlə münaqişəyə cəlb etmək istəsə də, bu addım baş tutmadı. Rusiya prezidentinin məlum bəyanatından sonra İranın ali dini lideri Ayətullah Seyid Əli Xameneyinin, ardınca Prezident Həsən Ruhaninin birmənalı şəkildə Azərbaycanın ərazi bütövlüyünü dəstəkləməsi rəsmi İrəvan üçün olduqca gözlənilməz oldu. 

Beynəlxalq dəstəyi öz tərəfinə çəkə bilməyən Ermənistan, eləcə də dünyadakı erməni diasporu vəziyyətdən çıxış yolunu dezinformasiya yaymaqda, ayrı-ayrı şəxslərə hədə-qorxu gəlməkdə görür. Belə ki, ermənilər Azərbaycanın haqlı mövqeyini müdafiə edən dövlətləri, o cümlədən ictimai-siyasi xadimləri, jurnalistləri, hərbi ekspertləri təhdid etməyə başlayıblar. Məsələn, İtaliyanın “La Repubblica” qəzetinin jurnalisti Peitro Del Re erməni lobbisinin təhqiramiz hücumuna məruz qalıb. Rusiyanın hərbi eksperti İqor Korotçenko və jurnalist Maksim Şevçenko ermənilər üçün çalışan “beşinci kolon” tərəfindən təhqir və təhdid olunub.
Ermənistanda daha 2 210 nəfərdə koronavirus aşkarlanıb.

Yenisabah.az xəbər verir ki, bu abrədə Ermənistan Səhiyyə Nazirliyinin Xəstəliklərə Nəzarət və Profilaktikası üzrə Milli Mərkəzi məlumat yayıb.
Bununla da Ermənistanda virusa yoluxanların sayı 101 773-ə yüksəlib.
Qeyd olunub ki, ölkədə pandemiyadan ölənlərin sayı 30 nəfər artaraq 1 506-ya çatıb. COVID-19 dianozu qoyulmuş, lakin başqa səbəbdən ölənlərin sayı isə 397-a yüksəlib. İndiyədək 61 782 nəfər infeksiyadan sağalıb.
Noyabrın 7-də Bakıda və Abşeron yarımadasında arabir yağış yağacağı, yarımadanın bəzi yerlərində intensiv olacağı ehtimalı var. Mülayim şimal küləyi əsəcək. Noyabrın 7-də gözlənilən hava şəraiti açıqlanıb.
ETSN-nin Milli Hidrometeorologiya Xidmətindən Yenisabah.az-a verilən məlumata görə, havanın temperaturu Abşeron yarımadasında gecə 11-13, gündüz 14-16, Bakıda gecə 11-13, gündüz 14-16 dərəcə isti olacaq. Atmosfer təzyiqi 761 mm civə sütunundan 764 mm civə sütununa yüksələcək,nisbi rütubət 75-85 faiz təşkil edəcək.
"Le Monde" qəzetinin müxbiri Xankəndidən reportaj hazırlayıb.
“Yeni Sabah” xəbər verir ki, fransız jurnalistlər Şuşa-Goris yolunun iki istiqamətdə bağlandığını yazır.
Azərbaycan Ordusunun strateji yüksəklikləri və yolları nəzarətə götürməsi Xankəndində gərginlik yaradıb.
Meşədən gələn atəş səsləri Xankəndidəki döyüşçülərə çox mənfi təsir edir. Çünki döyüş artıq cəbhədə yox, bir neçə kilometrlikdəki tələm-tələsik xırdaölçülü qazılmış səngərlərdə baş verir. Tələm-tələsik çünki azərbaycanlıların bu qədər dərinə, Xankəndi qapılarına qədər gələcəklərini heç vaxt təsəvvür etməzdilər.
Cəbhənin Qubadlı-Laçın istiqamətində gedən döyüşlərdə Azərbaycan Ordusunun atəş zərbələrinə tab gətirə bilməyən düşmən mövqeləri ataraq qaçıb.
Bu barədə Yenisabah.az-a Müdafiə Nazirliyindən məlumat verilib.
Məlum olub ki, Ermənistandan gətirilərək müdafiə zolağına yerləşdirilən 556-cı və 522-ci motoatıcı alayların bölmələri onlara tapşırılan hədlərə çıxmayıb.
Eyni zamanda şəxsi heyət hazırlıqsız, təcrübəsiz və intizamsız olmaqla yanaşı, verilən əmr və tapşırıqlara da səhlənkar yanaşıb.
"Dünya Səyahət və Turizm Şurasının (The World Travel & Tourism Council, WTTC) verdiyi ən son məlumatlara əsasən turizm sektoru hazırda Ermənistanının ÜDM-nin 11.8 faizini formalaşdırır və ölkə üzrə mövcud işçi qüvvəsinin 12.5 faizi məhz bu sektorda çalışır".
Yenisabah.az xəbər verir ki, bunu İqtisadi İslahatların Təhlili və Kommunikasiya Mərkəzinin departament rəhbəri Rəşad Hüseynov deyib.

Onun sözlərinə görə, iqtisadiyyatın turizm sektorunun ümumi ixracdakı payı nəzərə çarpacaq dərəcədə böyükdür:
"Belə ki, ən son statistik məlumatlara görə təxminən 1,3 milyard ABŞ dolları ixrac göstərici ilə, turizm sektorunun ümumi ixracdakı payı 24 faizə bərabərdir.

Видео Yekun xəbərlər 06.11.2020 (Xəbər Saatı) Laçından MÖHTƏŞƏM Xəbər gəldi !! канала Musa Media