Əsas xəbərlər 06.11.2020 (Xəbər Saatı) Şuşada nə baş verir? - SON DƏQİQƏ XƏBƏR!

“Kənardan baxanlar üçün kəndlərin azad olunması asan görünə bilər, amma ordumuz həmin kəndlərin azadlığı uğurunda gecə-gündüz vuruşur”.

“Yeni Sabah” xəbər verir ki, bunu ehtiyatda olan polkovnik Şair Ramaldanov deyib.
“Biz döyüşlərin ilk günlərində eyni vaxtda bir neçə ərazini işğaldan azad edirdik. Çünki o ərazilərin bir çoxu bir-birinə yaxın və nisbətən düzənlik sahələr idi. Buna görə də orada əməliyyat aparmaq nisbətən daha rahat olurdu. Amma indi döyüşlər dağlıq ərazilərdə, yüksəkliklərdə, meşəliklərdə gedir. Belə şəraitdə döyüşmək çox çətindir. Bu şərtlər altında bir kəndin belə işğaldan azad edilməsi saatlarla, bəlkə də günlərlə vaxt aparır. Bu baxımdan vətəndaşlar bunu anlayışla qarşılamalı, səbrli olmalıdırlar. Kənardan danışmaq, fikir bildirmək asan məsələdir, bunu hamı bacarır”, - deyə Ş. Ramaldanov bildirib.
Qarabağda Ermənistan ordusunun sarsıdıcı məğlubiyyəti və ermənilərin nəzarətində olan böyük ərazilərin azad edilməsi fonunda "Akunk" Siyasi Araşdırmalar Mərkəzinin direktoru, Ermənistan parlamentinin sabiq deputatı Ruben Akopyan erməni xalqının xilasını fəaliyyət qabiliyyəti olmayan baş nazir Nikol Paşinyanın könüllü istefasında görür.
"Ermənistanın səsi" bildirir ki, sabiq baş nazir Vazgen Manukyanın və 16 siyasi partiyanın təşəbbüsündən sonra Ruben Akopyan da erməni cəmiyyəti üçün dalandan çıxış yolu kimi Dövlət Müdafiə Komitəsinin (DMK) - hansına ki, siyasi, diplomatik və hərbi biliklərə sahib olan təcrübəli mütəxəssislər cəlb olunmalıdır, - yaradılmasını təklif edir.
Döyüşlər Şuşa şəhərinin 3-4 kilometrliyində gedir. 
Yenisabah.az xəbər verir ki, bu barədə ANNA News Military internet telekanalı məlumat yayıb. Kanalın əməkdaşı Aleksandr Xarçenkonun hazırladığı videoreportajda bildirilir ki, döyüş gecə saat 3-də başlayıb. Reportajdan aydın olur ki, Azərbaycan Ordusu Ermənistan silahlı qüvvələrinə çətin anlar yaşadır.
Dünən erməni mənbələri Qarabağdakı separatçı rejimin Şuşa-Laçın yolunu mülki əhalinin üzünə bağladığı barədə məlumat yaymışdı.
Müharibədə istənilən vasitə keçərlidir deyilir. Amma, yəqin, Qarabağın azad edilməsi uğrunda keçirilən hərbi əməliyyatlar erməni tərəfini, deyəsən, çaş-baş salıb, onlar bu ifadəni tamamilə tərsinə anlayıblar. Ermənistan hakimiyyəti çaşqınlıq içindədir. Niyə ciddi dövlət məmurları bir-birini bu qədər təkzib edir? Vəziyyət anbaan gərginləşir, çünki ermənilər “Deyilənlər doğrudur?” sualından sonra “Kimin dediyinə inanaq?” sualını verirlər. Bütün sualları da cavabsız qalır. Bu xaos etibarlı məlumatın olmaması, fərarilik və öz vətəndaşına qarşı zorakılıq kimi geniş miqyaslı problemlərə yol açır. Dövlət rəsmilərinin fikirləri hansı məsələdə fərqlidir? Niyə Ermənistan həqiqəti tanımır?
Ermənistanın Türkiyədən, yəni Türkiyənin bu münaqişənin həllində iştirakından narahatlıq ifadə etməsi heç kimə sirr deyil.
Cəbhənin Tərtər istiqamətində Azərbaycan Ordusunun bölmələri tərəfindən həyata keçirilən əməliyyat nəticəsində düşmənin hərbi infrastrukturuna ciddi ziyan vurulub.
Müdafiə Nazirliyindən “Yeni Sabah”a daxil olan xəbərə görə, düşmənə endirilən artilleriya zərbələri ilə Ermənistan silahlı qüvvələrinin 10-cu dağatıcı diviziyasının Tonaşen kəndində yerləşən 7-ci dağatıcı alayının qərargahı, əsgər kazarmaları, sursatla dolu avtomobil texnikaları və digər hərbi infrastrukturu dağıdılıb.
Ermənistan tərəfinin guya Azərbaycan hərbçilərini Şuşa şəhərindən bir neçə kilometr kənara uzaqlaşdırdığı barədə iddialar irəli sürməyinə baxmayaraq, məlum olub ki, əslində Azərbaycan ordusu şəhəri bir gecədə üç istiqamətdən - cənubdan, qərbdən və şərqdən mühasirəyə ala bilib və indi şəhərə güclü hücum üçün son hazırlıq aparılır.

Bu barədə Rusiyanın avia.pro saytında dərc edilən məqalədə məlumat verilib.
Məqalədə təqdim olunan xəritədə qüvvələrin yerləşməsindən də aydın görünür ki, Şuşada erməni tərəfinin vəziyyəti çox əlverişsizdir: “Güclü artilleriya zərbələrindən sonra Azərbaycan qüvvələri hücuma keçə və şəhərə daxil ola bilərlər. Buraya daxil olandan sonra isə Xankəndinə yol tam açılır”.
Qarabağda döyüşlərə qatılan Ermənistan silahlı qüvvələrinin sabiq baş qərargah rəisi, general-leytenant Artak Davtyan İrəvana qayıdıb.
Yenisabah.az xəbər verir ki, erməni general Azərbaycana qarşı döyüş əməliyyatlarını koordinasiya edib. O, bu yaxınlarda Ermənistana geri qayıdıb.
Döyüş bölgəsində vəziyyətin gərgin olmasına baxmayaraq, Davtyan onun görə biləcəyi iş qalmadığını deyərək təcili İrəvana yollanıb.
Azvision.az xatırladır ki, Davtyan bu ilin 8 iyun tarixində gözlənilmədən vəzifəsindən azad edilib. O, baş nazir Nikol Paşinyanın qərarı ilə daha sonra Hərbi-sənaye Komitəsinin sədri təyin edilib.

Видео Əsas xəbərlər 06.11.2020 (Xəbər Saatı) Şuşada nə baş verir? - SON DƏQİQƏ XƏBƏR! канала Musa Media