Собиқ ҳоким: Кластерлар билан деҳқоннинг косаси оқармайди

Сўнгги йилларда Ўзбекистоннинг аграр соҳасида жорий этилган кластерлар тизими мажбурий меҳнатга барҳам бергани йўқ. Аксинча бу ислоҳотларга эмас, етиштирилган деҳқончилик ва чорвачилик маҳсулотларининг монополия қилинишига йўл очмоқда, дейди Навоий вилоятининг Конимех тумани собиқ ҳокими, қишлоқ хўжалиги мутахассиси Исмоил Оспанов.

“Мана, ҳаммангиз яхши биласиз, пахта терими мавсуми кетаяпти. Лекин, пахта териш вақтида ҳар йилги бўлаётган муаммолар яна юзага чиқаяпти, "пахтага мажбурий меҳнат бўлмайди, одамларни пахтага мажбурий жалб қилмаймиз" деган масалалар ҳал бўлгани йўқ. Аҳолининг банд бўлмаган қисмини олиб чиқиш режаси яхши эди. Буям ҳамма жойда тўғри ҳал бўлгани йўқ. Ҳар йилгидек, бу йил ҳам тадбиркорларга ва бошқа соҳа вакилларига мурожаат қилиб, ихтиёрий мажбурий пахтага чиқариш ҳоллари мавжуд” дейди қишлоқ хўжалигида кўп йиллар меҳнат қилган Исмоил Оспанов ўзининг навбатдаги видеосида.

Оспановнинг фикрларига кўра, деҳқонларга ўз маҳсулотларини сотишда, нима экиш кераклигини ҳал қилишда тўла эркинлик берилиши керак.

Видео Собиқ ҳоким: Кластерлар билан деҳқоннинг косаси оқармайди канала El Tuz