АЙГҮЛ ЖҰМӘДІЛ "Бір ақын көрдім..."

*******
БІР АҚЫН...
Бір ақын көрдім -
Қанжардай тілін сайлаған.
Бір ақын көрдім -
Сарайда ғана сайраған!
Бір ақын көрдім -
Сұлуға сөзін арнаған.
Бір ақын көрдім -
Өлеңді талдай қармаған.
Бір ақын көрдім -
Сұңқардай, ойы сұңғыла.
Бір ақын көрдім -
Шындықты айтқан шыңғыра.
Бір ақын көрдім -
Жүрегі мәңгі жаралы.
Бір ақын көрдім -
Жалындап жанған алауы.
Бір ақын көрдім -
Өзгені көзге ілмеген.
Бір ақын көрдім -
Жауын да жат деп білмеген!
Бір ақын көрдім -
Іркіліп, сөзін айтпаған.
Бір ақын көрдім -
Құлаудан беті қайтпаған.
Бір ақын көрдім -
Тереңнен тартып, толғаған.
Бір ақын көрдім -
Ешкімге көңілі толмаған.
Бір ақын көрдім -
Жанардан жаны көрінген.
Бір ақын көрдім -
Көмейден жыры төгілген.
Бір ақын көрдім -
Өлеңі бұрын өлетін.
Бір ақын көрдім -
Тіріліп қайта келетін!
Мың ақын көрдім -
Жиылса бірге жетпеген...
Шын ақын көрдім -
Көтерген бәрін көппенен!

#әсерліпоэзия
#нартайсауданбекұлы

Видео АЙГҮЛ ЖҰМӘДІЛ "Бір ақын көрдім..." канала Nartay Saudanbekuly