ಮಕ್ಕಳು ಕಲಿಯಲೇ ಬೇಕಾದ "ಭೂಮಿಕ್ಷಮಾಪಣ ಸ್ತೋತ್ರ"🙏🙏🙏🙏

ಭೂಮಿಕ್ಷಮಾಪಣ ಸ್ತೋತ್ರ
ಸಮುದ್ರವಸನೇ ದೇವಿ ಪರ್ವತಸ್ತನಮಂಡಲೇ ।
ವಿಷ್ಣುಪತ್ನಿ ನಮಸ್ತುಭ್ಯಂ ಪಾದಸ್ಪರ್ಶಂ ಕ್ಷಮಸ್ವಮೇ ॥
ಈಗ ಇದರ ಅರ್ಥ ವನ್ನು ತಿಳಿಯೋಣ
: ಭೂದೇವಿಯನ್ನು ಇಲ್ಲಿ ಸುಂದರವಾಗಿ ಸ್ತುತಿಸಿದೆ:

ಸಮುದ್ರವಸನೇ ದೇವಿ: ಅಂದರೆ ಸಮುದ್ರವನ್ನೇ ವಸ್ತ್ರವನ್ನಾಗಿ ಉಳ್ಳಂಥ ಭೂದೇವಿಯೇ; ಭೂಮಿಯು ವಿಸ್ತಾರವಾಗಿ ಹರಡಿಕೊಂಡಿರುತ್ತದೆ. ಭೂದೇವಿ ಯನ್ನು ಮಹಾಲಕ್ಷ್ಮಿ ಎಂದು ಭಾವಿಸಬೇಕು. ಹೆಣ್ಣು ಎಂದಾದ ಮೇಲೆ ಉಡಲು ಬಟ್ಟೆ ಬೇಕಲ್ಲವೇ? ಇಡೀ ಭೂಮಂಡಲವೆಂಬ ದೇವಿಗೆ ಬೇಕಾಗುವ ಬಟ್ಟೆಯು ಅತ್ಯಂತ ಅಗಲವಾಗಿ, ದೊಡ್ಡದಾಗಿರಬೇಕಲ್ಲವೇ? ಹೀಗಾಗಿ ಸಮುದ್ರವೇ ಭೂದೇವಿಗೆ ಬಟ್ಟೆಯಂತಿರುತ್ತದೆ. ಭೂಮಂಡಲವನ್ನು ವಿಶಾಲವಾದ ಸಮುದ್ರವು ಆವರಿಸಿರುತ್ತದೆ. ಆದ್ದರಿಂದ ಭೂಮಿಗೆ ಸಮುದ್ರವೇ ಬಟ್ಟೆಯಂತಿದೆ.

ಇನ್ನು, ಬೆಟ್ಟ, ಗುಡ್ಡ, ಪರ್ವತಗಳೇ ಭೂದೇವತೆಗೆ ಸ್ತನದ ಮಂಡಲ ದಂತಿರುತ್ತವೆ. ಎತ್ತರವಾಗಿದ್ದು, ಉಬ್ಬಿಕೊಂಡಿರುವ ಪರ್ವತಗಳೇ ಭೂದೇವಿಗೆ ಸ್ತನಮಂಡಲಗಳೋ ಎನ್ನುವಂತೆ ತೋರುತ್ತಿವೆ. ಈ ಭೂದೇವಿಗೆ ಮಹಾವಿಷ್ಣುವೇ ಪತಿಯಾಗಿರುತ್ತಾನೆ. ಅಂದರೆ ಇಡೀ ಭೂಮಂಡಲವನ್ನು ಕಾಪಾಡುತ್ತಿರುವವನು ಮಹಾವಿಷ್ಣುವೇ ಅಲ್ಲವೇ? ಅಮ್ಮ, ಭೂದೇವಿಯೇ ನಿನಗೆ ನಮಸ್ಕಾರ.

ನೀನು ತಾಯಿ, ನಾನು ಮಗ, ತಾಯಿಯನ್ನು ಭಕ್ತಿಗೌರವಗಳಿಂದ ಮಕ್ಕಳು ವಂದಿಸಬೇಕು, ಪೂಜಿಸಬೇಕು, ಸ್ತುತಿಸಬೇಕು. ಆದರೆ ಅಮ್ಮ, ನಾನು ನಿನ್ನನ್ನು ನನ್ನ ಕಾಲುಗಳಿಂದ ತುಳಿಯುತ್ತಿದ್ದೇನಮ್ಮಾ, ಇದನ್ನು ಕ್ಷಮಿಸು. ನನ್ನ ಈ ಅಪರಾಧವನ್ನು ಮನ್ನಿಸಿ, ನನ್ನನ್ನು ಕ್ಷಮಿಸಮ್ಮಾ, ತಾಯಿ! ಹೀಗೆ ಭೂಮಾತೆಯನ್ನು ಸ್ತುತಿಸುವುದರಿಂದ ನಮ್ಮ ಪಾಪಗಳೆಲ್ಲವೂ ನಾಶವಾಗುತ್ತವೆ. 'ಮಾತೃದೇವೋ ಭವ' ಎಂದು ವೇದವೇ ಹೇಳುತ್ತಿದೆ. ಮಾತೃವಂದನೆಯಿಂದ, ಮಾತೃಸ್ತುತಿಯಿಂದ ನಮಗೆ ಸಕಲ ದೇವತೆಗಳ ಅನುಗ್ರಹವೂ ದೊರಕುತ್ತದೆ.

ಬೆಳಗ್ಗೆ ಎದ್ದಕೂಡಲೇ ಈ ಸ್ತೋತ್ರವನ್ನು ಪಠಿಸಬೇಕು

Видео ಮಕ್ಕಳು ಕಲಿಯಲೇ ಬೇಕಾದ "ಭೂಮಿಕ್ಷಮಾಪಣ ಸ್ತೋತ್ರ"🙏🙏🙏🙏 канала CHETHANA K