Тошкентда ўсмирларга психотроп дориларни сотаётган дорихоналар фош қилинди! | Qonun doirasida

"Қонун доирасида" кўрсатуви
"Тошкент" телеканали
ОАВ орқали психотроп моддалар савдоси билан ноқонуний шуғулланаётган кимсалар ҳақида тез-тез эшитамиз. Бу моддалар шифокор тавсиясисиз истеъмол қилинса, инсон ҳаётига жиддий зарар етказишига қарамай, уни яширин йўл билан олиб киришга уринишлар ҳамон давом этаётгани жуда ачинарли ҳолдир.
Маълумотларга кўра, бундай разиллик республикамизнинг Тошкент шаҳри ҳамда Фарғона вилоятларида кўп учрамоқда. Дорилар орасида “Регапен” ва “Семлопин” деб номланган тури бор. Улар истеъмол қилган кишини наркологик касалликларга йўлиқишига сабаб бўлади. Энг ёмони, бу дорилаларни ёш болаларга алдаб сотиб, уларни гиёҳвандлик кўчасига киришларига ҳаракат қилинаяпти.
Психотроп дори воситалари орасида “Тримадол”, “Лирика” деб аталадиганлари кўп тарқалмоқда. Ваҳоланки, бу дорилар, дастлаб, даволаш учун хизмат қилган. Ёшлар уларни бош оғриғини қолдиришда ва кайфиятни кўтаришда фойдаланишган. Бу каби дори воситаларида гиёҳванд моддаларидаги каби ўзига ўргатиб қўйишдек хусусият бор. Ва бу инсонни ўзига тобе қилиб қўяди. Табиийки, бу гиёҳвандликнинг янгича кўринишини пайдо қилади.
Мутахассисларнинг таъкидлашича, аслида психотроп дорилар шифокор тавсиясига кўра, неврология, тутқаноқ, онкология, кучли оғриққа қарши ва офталмологлар томонидан кўз касалликларини аниқлашда ишлатилади. Ушбу дорилар таркибида наркотик моддалар мавжуд. Улар мамлакатимиз қонунчилигига кўра, расман наркотиклар рўйхатига киритилган. Мазкур дориларни жарроҳлик операцияларида оғриқсизлантириш мақсадида меъёр билан қўллаш мумкин. Аммо узоқ муддат қўлланилса ёки нотиббий мақсадда фойдаланилса, ўзига нисбатан руҳий ва жисмоний тобеликни юзага келтиради.

Видео Тошкентда ўсмирларга психотроп дориларни сотаётган дорихоналар фош қилинди! | Qonun doirasida канала UZBEK TV