Islom tarixi. 1-bob. 1-fasldan. Odamning yaratilishi - Xurshid Davron kutubxonasi

Shayx‏ ‏Muhammad‏ ‏Sodiq‏ ‏Muhammad‏ ‏Yusufining ‏2 jildli ‏“Islom tarixi” ‏ ‏asari‏ ‏Islom‏ ‏tarixining‏ ‏muxtasar‏ ‏bayoni‏ ‏boʻlib,‎‏ ‏‏ ‏hazratning‏ ‏soʻnggi‏ ‏kitoblaridan‏ ‏biridir‏.‏

Islom tarixi deganda, odatda Islom davlatlari hamda musulmon xalqlarning vahiy nozil ‎boʻlgan ilk davrdan boshlab hozirgi kungacha boʻlgan tarixi nazarda tutiladi. Ammo aslida ushbu ‎tarix dunyo boshlanganidan to hozirgi, biz yashab turgan paytgacha boʻlgan davrni oʻz ichiga oladi. ‎Zero, bu tarix ilk inson, ilk paygʻambar – Odam alayhissalomdan boshlanadi. ‎

Aziz mushtariylar, bugundan eʼtiboran yutubdagi kanalimizda mazkur asarning ayrim boblarini berib borishga jazm etdik. Maqsadimiz esa, shu orqali dinimiz tarixini oʻrganishdir.

Alloh subhanahu va taolo bu ishning hammamiz uchun manfaatli, xayrli va barakotli boʻlishini nasib qilsin!

Ushbu videoda asarning birinchi bobi birinchi faslining “Odamning yaratilishi” deb nomlangan muqaddimasi bayon etilgan. ‎

Birinchi inson Odam alayhissalomdir. Shuningdek, Odam alayhissalom nabiylarning ham birinchisi hisoblanadi. Alloh subhanahu va taolo Oʻzining hikmati ila yer yuzida insonni yaratib, Oʻziga oʻrinbosar qilishni iroda etdi. Shu bilan birga, ana shu Oʻzi yaratgan oʻrinbosariga yer yuzidagi barcha narsalar va imkoniyatlarni beminnat xizmat qildirib qoʻyishni ham iroda etdi. Allohning alohida lutfi ila va barcha imtiyozlarga ega qilib yaratilgan ana shu jonzot Odam deb ataldi.

Tarixchilar Odam Ato va Momo Havvo yer yuzining qaysi hududiga tushganlari toʻgʻrisida ixtilof qiladilar. Bu borada turli-tuman va juda koʻp gaplar aytilgan. Odam Ato va Momo Havvo Arabiston yarimoroliga tushirilgan, degan fikr egalari koʻpchilikni tashkil etadi. Yana Hindistondagi togʻ yaqiniga tushirilgan, deganlar ham bor.

Qurʼoni karimda Odam Atoning vafotlari haqida gap yoʻq. Bu haqda tarixchilar oʻz mulohaza va ilmiy izlanishlarining natijalarini quyidagicha bayon qiladilar.

Odam Ato bir rivoyatga koʻra, ming yil yashab, soʻng vafot etganlar va imom Tabariy, Ibn Asir, Yaʼqubiy va boshqa olimlarning rivoyatlariga koʻra, Makkai mukarramadagi Abu Qubays togʻi yoniga dafn qilinganlar. Odam alayhissalomni yuvish, kafanlash, janozalarini oʻqish, qabrlarini qazish va dafn qilish ishlarini farishtalar amalga oshirganlar.

Видео Islom tarixi. 1-bob. 1-fasldan. Odamning yaratilishi - Xurshid Davron kutubxonasi канала Xurshid Davron Kutubxonasi