ნატო ლონგიშვილის გარმონი, №13, 2020 წ.

ნატო ლონგიშვილი (1925 - 1993)

ისევე როგორც გარმონის უკანასკნელი ჯადოქრის – ნატო ლონგიშვილის – ამ ჯგუფის სხვა მუსიკალური ჩანაწერები, უდავოდ, ტექნიკური ხარვეზებითაა აღსავსე ეს – №13 – ფაილიც: ჩვენ ამ მდგომარეობაში მივუსწარით ნატოს უკვდავ თითებს!

როცა ამ ფაილის პირველ მელოდიას ვუსმენ, თვალწინ ნათლად მიდგანან:

ნატოს ვაჟი, ქუჩაში რომ ამყარებს აბსოლუტურ წესრიგს, რათა უსახურმა ხმაურმა ზიანი არ მიაყენოს ამ სამოთხისეულ ჰანგებს...

თავად ნატო, ფიქრებით აშკარად გადაადგილებული შორთაშორეულ წინაპრებთან და ჩაფლული საკუთარი თითებით გამოცემულ გამაოგნებელ ჰარმონიაში...

ნატოს გარმონის ჩამწერი – სიმონი, ჰანგისგან გონდაკარგული უკვე იმგვარად, რომ აღარ ახსოვს, სად იმყოფება და რისთვის...

უკვე ამ ფაილის ამ პირველი მელოდიის მოსმენაც საკმარისია, რათა ვთქვა:

– ეს არ არის, უბრალოდ, მელოდია! არამედ: ეს გახლავთ ხალხური სიმფონია მცირეზე მცირე ხალხის ამქვეყნიური ტანჯვით აღსავსე ცხოვრებასა თუ ბედზე. გარმონზე აცეკვებულ თითებს მთებს იქით მიაქვთ და მთების იქიდან მოაქვთ მერე ჩვენი ხალხის დაუწერელი წარსულის ის ამბები, რომლებსაც ვუსმენთ ამ ფაილით და ბოლომდე ვეღარც ვაცნობიერებთ, თუ რა ამბები იყო ეს ამბები...

მე აი, ასეთი შთაბეჭდილებები მრჩება ამ ფაილის ყოველი მოსმენისას...

თქვენ, მეგობრებო?..

არსენ ბერთლანი (უკანასკნელი მოჰიკანი)

ამ ფაილის მომზადებისთვის Youtube-ზე გამოსატანად უთვალავ მადლობას ვუძღვნი ჩემს უნიჭიერეს თათა ცისკარიშვილს

Видео ნატო ლონგიშვილის გარმონი, №13, 2020 წ. канала arsen bertlani