СҰМДЫҚ! МУХТАР ДЖАКИШЕВ ШЫНДЫҚТЫ АЙТТЫ/БИЛІКТІҢ БЫЛЫҒЫ АШЫЛДЫ/ЖАЗЫҚСЫЗ СОТТАЛҒАН БАТЫР!

Бәріңізге ассалаумағалейкум

14 жылға сотталып, қуғындалып, азаптың алуан түрін көрген қазақтан шыққан Мұхтар Жәкішов деген кім? Жәкішовты Илон Маскпен салыстыратындай қандай құдіреті бар? Қаралы қаңтар туралы ашына сөйлеуіне не себеп болды? Барды бар, жоқты жоқ деп айта алатын Жәкішовтың тағдырын тас талқан қылғандар туралы не дейміз? Бұл сұрақтардың жауабын сізге Көрген дұрыс!
ҚазАтомӨнеркәсіп» компаниясының бұрынғы президенті, белгілі кризис-менеджер Мұхтар Жәкішев «Байтасов LIVE» Youtube каналына қаңтар трагедиясы туралы кең көлемді сұхбат берді. Байтасовқа берген сұхбатынан Мұхтардың мәрттігі мен адамгершілігінің қандай деңгейде екенін, нағыз Отаншыл азамат боп өзін өзі кәміл ұстап,  саяси оқиғаларға баға беруі, саясаттың сайтандарына ілеспеу керектігін айтқаны үшін риза болдым. Нағыз арыстан! Ол өзінің сөзінде:

«Тек бір жағдайда ғана. Егер менің қызметім шынымен де реформаларға жол ашатын болса, барамын. Ал егер халық сенім артатын адамның символы ретінде жұртты тыныштандыру үшін шақырса, тек осындай мотивпен ұсынса, «жоқ» деп айтамын. Үзілді-кесілді келіспеймін. Менің қолымда білім мен репутациям ғана бар. Сол білімім мен репутациямды жұмыс жүріп жатқандай елес туғызуға немесе қызмет үшін жұмсағым келмейді. Мені қызмет те, лауазым да қызықтырмайды. Ешқашан қызықтырған емес. Қазіргі жағдайда тіптен қызықты емес. Егер менің қызметке баруым елдің пайдасына қызмет етсе, жылдам реформаға әкелетін болса, иә, мен дайынмын. Ал мұның бәрі құр сөз ғана болып шықса, ешқандай жағдайда келіспеймін. Оған уақыт шығындағым келмейді», – деді Мұхтар Жәкішев.

Сондай-ақ ол қаңтар оқиғасы қоғамды бөлшектеп кеткенін, реформа жасау үшін қоғамның тұтасуы керектігін де айтқан.

«Бұл оқиғалармен байланысты тағы бір орасан проблема бар. Ол – қоғамның ыдырауы. Осы оқиғалардан кейін біз білімі барлар мен білім жоқтар деп, қалалық, ауылдық, қала маңындағылар деп, маргниалдар мен бақуаттылар деп бөлінетін болдық. Құқық қорғаушылар бір жақта, ереуілшілер бір жақта, бейбіт тұрғындар бір жақта қалды. Елде қандай да бір реформа жүргізу үшін қоғамның топтасуы керек деп ойлаймын», – деді Жәкішев

Жәкішевтің қазақтың Илон Маскі атанардай мүмкіндігі болған екен...

Апталдай азаматтың елді шикізат құлдығынан құтқарғысы келген арман-мұратына қысастық қылғанымызға қынжыласың.
Қолға алған ісі орта жолда опырылып, кемеліне келген шақта табаны күректей 14 жылға сотталып кете барған Жәкішев талай жыл ой түбінде жатқан толғаныстарын сыртқа шығарған екен.
Байтасовқа берген сұхбаты сұрапыл енді. Байыпты. Байсалды кісі екен.
!

Бәлкім Илонға қарағанда оның идеялары бір ұлттың шеңберімен ғана шектелген болар, шынтуайында Жәкішев қазақты шикізат құлдығынан құтқарғысы келді. Ал бұған жету үшін мына жарық жалғанды тағы да сол Масктің деңгейінде парықтаған жөн.
ҚазАтомды қаз тұрғызған Мұхтар осы сұхбатта көлденең килігудің кесірінен аяқсыз қалған жобалар жайында айтыпты.
Соның бір парасын мысалға келтіре кетейін, Бұл қазақтың Илон Маскыне айналған Мұхтар ағамыздың кесек-кесек сөздері, назар салыңыздар!
...
Курчатовта жапон ғалымдарымен бірлесіп ядролық технологиялар орталығын ашқымыз келді. Осы арада техникалық білімі бар студенттер Токионың танымал ғалымдарының дәрісін тыңдап, шеберлігін шыңдар еді. Айналасы 15 жылдың ішінде Қазақстанда толыққанды ядролық технологиялар ғылымы қалыптасар еді.
...
Курчатовта сирек кездесетін металды балқытып, дайын құйма әзірлейтін зауыттың сұлбасын сыздық. Гибридті көлік шығаратын жапондар осы өнімге сусап отырды. Шикізаттың осы түрі нарықта тым тапшы еді. Бұған Қытай да қызығушылық танытқан болатын.
...
Келесі кезекте көлік құрастыратын зауыттың құрылысын қолға алғымыз келді. Бұл жерде жапонның гибрид көліктеріне арналған ілгерідегі сирек металдан әзірленген дайын өнімдер өндірмек едік.
Бағасы удай (дайын өнімнің 1 келісі 10 мың доллар) бұл өнімді Жапонияға жеткізу үшін әуежай соғуды да жоспарға енгізген болатынбыз.
...
Уран таблеткілерін Жапония, Қытай мен Үндістанға тасымалдау шешілген шаруа еді. Осы арқылы нарықтағы Ресей монополиясын тежеп, әділ бәсеке орнатуға сақадай сай тұрдық. Мен ұсталып кеттім. Жұмыс тоқтап қалды. Жапондар уағдадан танды.
Талай жыл тұралап тұрған Үлбі металлургия зауытын тірілттік. 2001 - 2006 жылдары осында өндірілетін сирек кездесетін қымбат металдардан жоғары технологиялы өнім әзірледік.

Міне бұл Жәкішовтың ойлау масштабы еді. Әттең... Орындалмады

Видеомыздың соңғы минуттарында Мұхтар Жәкішовтың өмірбаянына қысқа да нұсқа тоқтала кетуді жөн көрдік!

Уран нарығы туралы жазған шетелдік басылымдар Мұхтар Жәкішев туралы уран саласындағы данышпан деп жазып жүрді. 10 жыл ішінде Мұхтар Жәкішев өзі басқарған "Қазатомөнеркәсіпті" әлемдегі нөмірі бірінші кәсіпорынға айналдырды

Сіз үшін Көрген дұрыс

Видео СҰМДЫҚ! МУХТАР ДЖАКИШЕВ ШЫНДЫҚТЫ АЙТТЫ/БИЛІКТІҢ БЫЛЫҒЫ АШЫЛДЫ/ЖАЗЫҚСЫЗ СОТТАЛҒАН БАТЫР! канала KÓRGEN DURYS