СҰМДЫҚ! ҚАҢТАРДЫҢ ШЫНДЫҒЫ АШЫЛДЫ/АТАМБАЕВ БЫЛЫҚТЫ ЖАЙЫП САЛДЫ/АЗАПТАЛҒАНДАР ТАБЫЛДЫ!

Бәріңізге Ассалаумағалейкум

Атамбаев бүй деді. Елбасының кейбір істерін сынға алып, қатты ренжісуге дейін барған Атамбаев Қаңтар оқиғасы туралы шындықты жайып салды. Ол өзінің кездемей өткір сөздерінде не деп шүйлікті? Қазақ даласында халық қиналса, қырғыз тауында тұрып көзімізден жас ағады деуіне не себеп болды?! Жоғалған, азапталған, атылған сұраусыз кеткен есіл ерлеріміз туралы ? Бұл туралы өте қорқынышты ақпараттарды сізге Көрген дұрыс!
Қырғызстанның бұрынғы президенті Алмазбек Атамбаев «Қасіретті қаңтар» оқиғасына қатысты пікір білдірді. Бүгінде істі болып, абақтыда жатқан Алмазбек былай дейді: 
«Қазақ оппозиционері деп аталып жүрген Мұхтар Әбілязовпен байланысы бар дегенге қатысты айтатын болсам, мен Мұхтармен ешқашан кездескен де, сөйлескен де емеспін. Онымен ешқандай келісім де болған емес. Менің 2016 жылдың қыркүйегіндегі оқиғалардан кейін Нұрсұлтан Назарбаевпен қарым-қатынасым бұзылғаны жасырын емес. Менің ойымша Қазақстандағы оқиғаларды сырттан ешкім ұйымдастырған жоқ.
Барлық төңкерістер мен көтерілістер кез-келген елде біліксіз, халыққа қарсы биліктің әрекетінен кейін болады. Қазақстанда да мәселе сырттан ұйымдастырған күштерде, оппозиционерлер мен содырларда емес. Халықтық толқулардың себептері анық. Бірақ, Тоқаев мырза тым дипломат ретінде айтып отыр. Ол бұл себептер мен келеңсіздіктерді жою үшін барын салады деп үміттенемін.
Әрине, толқуға қатысқан халықты емес, халықты толқуға жеткізген жандарды жазалау керек. Өз халқын тонаған, өз халқының тынысын тарылтып, репрессия жасағандарды айтамын. Өз тәжірибемде айтатын болсам, ішкі пиғылы белгісіз күштік құрылымдарға емес, қарапайым халық пен тәуелсіз БАҚ-тарға көбірек сенім артқан дұрыс. Сонда ғана Ұлттық қауіпсіздік комитеті «Ұлтқа қауіпті комитетке» айналмайды. Әзірге Президент ауысса да, нәтиже жоқ сияқты...
Менің тамырымда менің қазақ әжелерімнің қаны ағып жатыр. Менің үлкен ұлымның балалары, менің немерелерім жартылай қазақ. Дәл осындай жақындық көптеген қырғызда бар. Қазақ даласында біреу қиналса, қырғыз тауында көзімізден жас ағады. Біз қазақ бауырларымыз бен қарындастарымызды жақсы көреміз! Алаңдаймыз! Сіздердің қайғыларыңыз - біздің қайғымыз! Осы бір қайғылы оқиғада қаза тапқан және зардап шеккен әр отбасыға көңіл айтамын. Бекем болыңыздар! Сіздерге Жаратушы жар болсын!»,- деді Алмазбек Атамбаев.
Алмазбек Атамбаев пен Қазақстан билігінің арасы 2016 жылғы Қырғызстандағы президенттік сайлауда ушыққан болатын. Қырғыздың бұрынғы басшысы «Қазақстан ішкі саясатымызға араласты», деп мәлімдеп, екі ел арасында саяси салқындық болды.
«Қасіретті қаңтар» оқиғасында Қазақстанда бірнеше қырғызстандық азамат тұтқындалған болатын. Оның ішінде танымал джазмен Рузахунов та бар. Қырғызстан қарсы нота жіберіп, музыкант босатылды. Артынша оған шұғыл түрде ота жасалғаны белгілі болды. Атамбаевқа алғысымыз шексіз. Кейбір абыз деп басынан сөз асыртпай жүрген қазақ аталарымызға қарағанда, Атамбаев ағамыздың жанашырлық бейілі жанымызға дәруіш болғандай...

Дүние - дүрбелең...жазықсыз өліп кеткен, атылған, жоғалған
қамалған халық..."Судың да сұрауы бар" деуші еді?! Сырттан жау келсе не боламыз?.
     "Сен тимесең мен тиме"... Күні кеше ғана еліміздің абыройы, мақтанышы, тәлім - тәрбиешісі болған, атағынан ат үркетін ағаларымыз, зиялыларымыз, қаламгерлеріміз осылай үндемей отыра бере ме? Ұрпағымыз кімге қарап бой түзейді?... Неге қазақтың мыңды айдаған абыз ақсақалдары мен қоғамның қара қазанында қайнаған қайраткерлері бірігіп, бір ғана емес, бірнеше комиссия құрмасқа? Неге? Азапталып жатқан жас жігіттер мен орта буын, кәрілікке бас ұрған кісілердің тағдыры ешкімді де алаңдатпайды ма сонда
Қаңтар оқиғасы кезіндегі жоғалған, атылған, азапталған, қуғындалған  фактілер біреу-екеуі ғана емес, ондап, тіпті жүздеп саналады. Ұрып-соғып мойындату фактілерінің болғанын министрліктің өзі де мойындайды. «Ұсталғандарға қатысты адам өлімі, азаптау, билігін асыра пайдалану деректерімен қылмыстық істер тергелу үстінде. Республика бойынша осындай 16 қылмыстық іс қозғалған», - дегенді ҚР Бас прокуратурасы мәлімдеген. Шындығында бұл цифрлар 16-мен шектелмейтіні түсінікті.
Оңды-солды тұтқындалған азаматтарға жасалып жатқан зорлық-зомбылық, ұрып-соғу тоқтатылып, ашық та заңды тергеу-тексеру жүргізілуі тиіс. Әлгі 20 мың «террорды» халықтың ішінен іздеудің керегі жоқ. Бүлік шығарушы, мемлекеттік төңкеріс жасамақ болған кландар әшкерленіп, жазалануы керек. Біз дейміз ғой. Ал оны еститін Тұрғымбаев па? Оны еститін Ақорда ма?

Видео СҰМДЫҚ! ҚАҢТАРДЫҢ ШЫНДЫҒЫ АШЫЛДЫ/АТАМБАЕВ БЫЛЫҚТЫ ЖАЙЫП САЛДЫ/АЗАПТАЛҒАНДАР ТАБЫЛДЫ! канала KÓRGEN DURYS